بۇگىن، 7 جەلتوقسان كۇنى اقمولا وبلىسىندا قىزمەتتىك مىندەتىن اتقارۋ بارىسىندا پاترۋلدىك پوليتسيا ينسپەكتورى، اعا لەيتەنانت ءاسانالى اسكەربەكوۆ جول اپاتىنان قازا تاپتى، دەپ حابارلايدى “ادىرنا”.
اقمولا وبلىسىنىڭ پوليتسيا دەپارتامەنتى پاترۋلدىك پوليتسيا ينسپەكتورىنىڭ قىزمەت بابىندا قازا بولۋىنا بايلانىستى تەرگەۋ جۇرگىزىپ جاتىر.
"قايعىلى وقيعا استانا – ەرەيمەنتاۋ – شىدەرتى اۆتوجولىندا بولدى. الدىن الا مالىمەت بويىنشا، Toyota Camry جۇرگىزۋشىسى رولگە يە بولا الماي، جول قوزعالىسىنىڭ قاۋىپسىزدىگىن قامتاماسىز ەتىپ، جۇرگىزۋشىلەردى قاۋىپ تۋرالى، جىلدامدىقتى تومەندەتۋ جانە جولدىڭ تارىلۋى تۋرالى ەسكەرتىپ تۇرعان پاترۋلدىك پوليتسيا ينسپەكتورىن قاعىپ كەتكەن", - دەدى اقمولا وبلىسى پد.
دەپارتامەنت بۇل فاكتى بويىنشا جان-جاقتى جانە وبەكتيۆتى تەرگەۋ جۇرگىزىلەتىنىن مالىمدەدى.
