كاسپي تەڭىزىنىڭ تارتىلۋى ءالى دە جالعاسىپ جاتقانىنا قاراماستان، تەڭىز دەڭگەيىنىڭ تومەندەۋ قارقىنى باياۋلاعان. بۇل تۋرالى Caliber.Az باسىلىمىنا ازەربايجان عىلىم اكادەمياسىنىڭ گەوگرافيا ينستيتۋتىنىڭ ءبولىم مەڭگەرۋشىسى، ەكولوگ ەنۆەر اليەۆ مالىمدەدى، دەپ حابارلايدى “ادىرنا”.
ونىڭ ايتۋىنشا، سوڭعى 3 جىلدا جۇرگىزىلگەن مونيتورينگتەر كاسپي تەڭىزى دەڭگەيىنىڭ تومەندەۋ جىلدامدىعى ازايعانىن كورسەتەدى. بۇرىن تەڭىز دەڭگەيى جىلىنا 25–30 سم تومەندەسە، قازىر بۇل كورسەتكىش 15–17 سم شاماسىندا.
ازەربايجان عالىمدارى كاسپي تەڭىزى بويىنشا سوڭعى زەرتتەۋلەردىڭ دەرەكتەرىنە جانە 200 جىلدىق عىلىمي باقىلاۋلارعا سۇيەنە وتىرىپ، 2040–2050 جىلدارعا قاراي تەڭىز دەڭگەيىنىڭ تومەندەۋ كەزەڭى توقتايدى دەپ ەسەپتەيدى.
«بۇل ءتىپتى بۇدان دا ەرتەرەك، الداعى 5 جىلدىڭ ىشىندە بولۋى مۇمكىن. ودان كەيىن سۋ دەڭگەيى قايتا كوتەرىلە باستاۋى ىقتيمال. الايدا كاسپيدىڭ بۇرىنعى جوعارى دەڭگەيىنە قايتا ورالۋى، ارينە، ءبىر-ەكى جىلدا جۇزەگە اسپايدى»، – دەپ اتاپ ءوتتى ە. اليەۆ.
