قازاقستاندا وزبەكستانداعىداي يمامدارعا جەلىدە ۋاعىز ايتۋعا تىيىم سالىنا ما؟ بۇل سۇراققا بۇگىن سەنات كۋلۋارىندا مادەنيەت جانە اقپارات ۆيتسە-ءمينيسترى قانات ىسقاقوۆ جاۋاپ بەردى، دەپ حابارلايدى “ادىرنا” ۇلتتىق پورتالى.
ء“سوزسىز، بۇل ماسەلەدەن حاباردارمىز. الايدا الەۋمەتتىك جەلى دە ءوز ازاماتتارىمەن تىلدەسۋدىڭ ءبىر جولى. سول سەبەپتى باسقا نۇسقالاردى قاراستىرىپ جاتىرمىز، بىراق ولارعا (يمامدارعا) الەۋمەتتىك جەلى تۇرلەرىنە تىيىم سالۋ ماسەلەسى كۇن تارتىبىندە جوق”، – دەيدى ىسقاقوۆ.
ۆيتسە-ءمينيستردىڭ ايتۋىنشا، يمامدار جاماعاتىمەن ونلاين دا، وفلاين دا، ستريم ارقىلى دا سويلەسە الادى.
ەسكە سالساق، بۇعان دەيىن وزبەكستان يمامدارىنا الەۋمەتتىك جەلىدە ۋاعىز ايتۋعا، جازبالارعا ءلۇپىل باسۋعا تىيىم سالىنعانىن حابارلادىق. 27 مامىردا وزبەكستان مەشىتتەرىنىڭ بارلىق يمامدارى الەۋمەتتىك جەلىلەرگە كىرمەۋ جانە الەۋمەتتىك جەلىلەردەگى جازبالارعا "لايك" قالدىرماۋ تۋرالى ەسكەرتۋ العان.
