اۋعانستاننان كەلگەن قانداستارىمىز قايدا قونىستانادى؟

- وتباسىنىڭ ءبىر مۇشەسىنە 70 اەك (2021 جىلى 204 190 تەڭگە)  ودان ءارى ءبىر جىلعا دەيىن-تۇرعىن ءۇيدى جالعا الۋعا 30 اەك بولىنەدى. ءبىز ولارعا ءبارىن تۇسىندىردىك، زاڭناما تۇرعىسىنان كورسەتتىك. ارينە، ءبىرىنشى كەزەكتە ولاردىڭ ۇسىنىستارى ەسكەرىلەتىن بولادى، – دەدى الماتى الەۋمەتتىك ءال-اۋقات باسقارماسى باسشىسىنىڭ ورىنباسارى دانيار الكەبايۇلى.

وعان قوسا، ءبىر جىل بويى اي سايىن باسپانا جالداۋعا 87 500 تەڭگە قارجىلاي كومەك كورسەتىلەدى.

- بۇعان دەيىن ولاردىڭ الماتىداعى قوناق ۇيلەردىڭ بىرىنە ورنالاسقانى حابارلانعان ەدى. ولار مۇندا 24 قىركۇيەككە دەيىن بولادى. سوعان دەيىن ولار قاي وڭىرگە بارىپ قونىستاناتىنىن شەشۋى ءتيىس، - دەپ جازادى ورتالىق ازيانىڭ جاڭالىقتار قىزمەتى.

بيلىك ديپلومى بارلارىنا ماماندىعى بويىنشا جۇمىسقا تۇرۋىنا كومەكتەسەتىنىن، ءبىلىمى جوقتاردى ارنايى كۋرستا وقىتۋدى جوسپارلاپ وتىرعانىن ايتتى. الماتى اكىمدىگى مالىمەتىنشە، قانداستاردى وقىتۋ، جۇمىسقا ورنالاستىرۋ جانە بەيىمدەلۋگە كومەك كورسەتۋ ماسەلەلەرى ءالى قاراستىرىلىپ جاتىر.

"ادىرنا" ۇلتتىق پورتالى