لوس-اندجەلەس قالاسىندا تۇراتىن قازاقستاندىق كاسىپقوي بوكسشى ماديار اشكەەۆتىڭ ۇيىندە ءورت شىقتى، دەپ حابارلايدى "ادىرنا" ۇلتتىق پورتالى.
37 جاستاعى سپورتشى وقيعانىڭ ۆيدەوسىن ءوزىنىڭ Instagram پاراقشاسىندا جاريالاعان. سپورتشى بەينەدە وتباسىمەن بىرگە دوستارىنا قوناققا بارماس بۇرىن ۇيدەن كۇيگەن ءيىس شىققانىن ايتادى. گاراجدى اشقاندا ءۇيدىڭ ءبىر بولىگى وتقا ورانعانىن كورگەن اشكەەۆ وتباسى مۇشەلەرىن سىرتقا شىعارعان.
قۇتقارۋشىلار وقيعا ورنىنا كەلگەن بويدا ءورتتى ءسوندىردى. قازىرگى ۋاقىتتا اشكەەۆتىڭ وتباسى ۋاقىتشا دوستارىندا تۇرىپ جاتىر. بىرنەشە ساعاتتان كەيىن سپورتشى Instagram ارقىلى ءورتتىڭ سالدارىن كورسەتىپ، ەشكىم زارداپ شەكپەگەنىن اتاپ ءوتتى.
ايتا كەتەيىك، ماديار اشكەەۆ قازاقستان چەمپيوناتى مەن 2014 جىلعى الەمدىك بوكس سەرياسىنىڭ (WSB) قولا جۇلدەگەرى. ول سولتۇستىك امەريكا بوكس فەدەراتسياسىنىڭ (NABF) جانە ۇلتتىق بوكس اسسوتسياتسياسىنىڭ (NBA) چەمپيوندىق اتاقتارىنىڭ يەگەرى.
