پەتروپاۆلدا 7 مامىر، جەكسەنبى كۇنى كەشكە ءىرى ءورت شىقتى، - دەپ حابارلايدى "ادىرنا" ءتىلشىسى سولتۇستىك قازاقستان وبلىسىنىڭ توتەنشە جاعدايلار دەپارتامەنتىنە سىلتەمە جاساپ.
جەرگىلىكتى ۋاقىت بويىنشا ساعات 18:57-دە سەننايا بازا كوشەسى، 5-ۇيدەگى اشىق الاڭدا قامىس ورتەندى. قاتتى جەلدىڭ سالدارىنان ءورت جاقىن ماڭداعى جەكە تۇرعىن ۇيلەرگە تارادى.
ءورتتى سوندىرۋگە جەدەل بولىمشەلەردىڭ جۇزدەن استام قىزمەتكەرى مەن ارنايى تەحنيكا جۇمىلدىرىلدى. تۇرعىندارعا پسيحولوگيالىق كومەك كورسەتىلدى. تجد بازاسىندا جەدەل شتاب ۇيىمداستىرىلىپ، جەدەل جەلى اشىلدى: 55-10-10.52-27-25. پەتروپاۆلداعى No25 مەكتەپتە ەۆاكۋاتسيالىق ورتالىق ۇيىمداستىرىلدى.
جەرگىلىكتى تۇرعىندار وقيعانىڭ ۆيدەوسىن الەۋمەتتىك جەلىگە جاريالاپ جاتىر.
"ۇيلەر ورتەنىپ جاتىر، تەحنيكا ۋاقىتىلى كەلمەۋدە. ادامدار جۇگىرىپ، ءبارىن تاستاپ جاتىر", - دەيدى ۆيدەو اۆتورلارىنىڭ ءبىرى.
پوسموترەت ەتۋ پۋبليكاتسيۋ ۆ Instagram
پوسموترەت ەتۋ پۋبليكاتسيۋ ۆ Instagram
