يزرايل اسكەري-اۋە كۇشتەرى يران استاناسى تەگەراننىڭ ورتالىعىندا ورنالاسقان جەراستى كەشەنىنە اۋە سوققىسىن جاساپ، نىساندى جويدى. دەپ حابارلايدى "ادىرنا" ۇلتتىق پورتالى.
بۇل تۋرالى يزرايل اسكەرىنىڭ ءباسپاسوز قىزمەتى حابارلادى.
مالىمەتكە سايكەس، وپەراتسياعا شامامەن 50 جويعىش ۇشاق قاتىسقان. اۋە شابۋىلى ناتيجەسىندە يراننىڭ بۇرىنعى جوعارعى كوشباسشىسى اياتوللا ءالي حامەنەيگە تيەسىلى دەلىنگەن جەراستى بۋنكەرى قيراتىلعان.
اسكەريلەردىڭ ايتۋىنشا، اتالعان بۋنكەر تەگەرانداعى بيلىك كەشەنىنىڭ استىندا ورنالاسقان جانە توتەنشە جاعداي كەزىندە باسقارۋ ورتالىعى رەتىندە پايدالانىلۋى ءتيىس بولعان.
باق مالىمەتىنشە، جەراستى كەشەنى تەگەراننىڭ ورتالىعىنداعى بىرنەشە كوشەنى قامتىعان، ىشىندە كوپتەگەن كىرەبەرىستەر مەن ءماجىلىس زالدارى بولعان. ول يران باسشىلىعىنىڭ ماڭىزدى اسكەري باسقارۋ ورتالىقتارىنىڭ ءبىرى سانالعان.
