يراننىڭ اسكەري ينفراقۇرىلىم نىساندارىندا جەكسەنبىگە قاراعان ءتۇنى بىرقاتار ءىرى جارىلىستار بولدى، دەپ حابارلايدى ”ادىرنا” ۇلتتىق پورتالى ۆۆس ارناسىنا سىلتەمە جاساپ.
Al Arabiya باسىلىمىنىڭ حابارلاۋىنشا، يزرايل يراندا ارنايى وپەراتسيا باستاعان. يران استاناسىندا جويقىن جارىلىس بولدى، يراننىڭ حامادان قالاسىندا جارىق ءوشىپ، بۇكىل يران اۋماعىندا ينتەرنەت باياۋلاعان
يرنا اگەنتتىگىنىڭ حابارلاۋىنشا، شىعىس ءازىربايجان پروۆينتسياسىنداعى شاحيد-ساليمي قالاسىندا موتور مايلارىن شىعاراتىن ءىرى زاۋىت ورتەنگەن.
سونداي-اق، اسكەري قويما مەن وق-ءدارى جاساۋ ورتالىعى دا جارىلدى. تەگەراندا ۇشاقتار كوتەرىلىپ، ۇكىمەتتىك عيماراتتارعا شابۋىل جاسالعان.
يراننىڭ قورعانىس مينيسترلىگى وق-ءدارى وندىرەتىن ورتالىقتاردىڭ بىرىنە ۇشقىشسىز ۇشۋ اپپاراتتارىنىڭ شابۋىل جاسالعانىن راستادى.
"2023 جىلدىڭ 28 قاڭتارىندا كەشكە ساعات 23:30 شاماسىندا قورعانىس مينيسترلىگىنىڭ ورتالىقتارىنىڭ بىرىنە دروندار ءساتسىز شابۋىل جاسالدى. ولاردىڭ بىرەۋىن اۋە قورعانىسى سوققىعا جىقتى، ال قالعان ەكەۋى قورعانىس تۇزاعىنا ءتۇسىپ، جارىلدى", – دەلىنگەن حابارلامادا.
جارىلىس تەك يسفاحاندا عانا ەمەس، يراننىڭ حامادان، حوي، گاراح، تەبريز جانە كەرەدج قالالارىندا بولدى.
