يران پرەزيدەنتى ماسۋد پەزەشكيان حالىقارالىق اتوم ەنەرگياسى اگەنتتىگىمەن ىنتىماقتاستىقتى ۋاقىتشا توقتاتۋ تۋرالى جارلىق شىعاردى، دەپ حابارلايدى "ادىرنا" ۇلتتىق پورتالى Report-قا سىلتەپ.
جارلىققا سايكەس، اگەنتتىك قىزمەتكەرلەرىنىڭ يرانعا كىرۋىنە ۋاقىتشا تىيىم سالىندى. بۇل شەشىم يراننىڭ يادرولىق نىساندارى مەن يادرولىق سالاداعى عالىمدارىنىڭ قاۋىپسىزدىگى تولىق قامتاماسىز ەتىلگەنگە دەيىن كۇشىندە بولادى.
بۇعان دەيىن يران پارلامەنتى تاراپىنان مۇنداي شەشىم ەلدىڭ ۇلتتىق قاۋىپسىزدىك جوعارعى كەڭەسىنىڭ كەلىسىمىمەن جۇزەگە اساتىنى ەسكەرتىلگەن بولاتىن.
ەسكە سالايىق، سوڭعى اپتالاردا يران مەن يزرايل اراسىنداعى شيەلەنىس كۇشەيىپ، يرانداعى بىرقاتار يادرولىق نىساندارعا سوققى جاسالعان. وسىعان بايلانىستى يران بيلىگى يادرولىق سالاداعى ماماندار مەن نىسانداردىڭ قاۋىپسىزدىگىنە الاڭداۋشىلىق بىلدىرۋدە.
