قازاقستان رەسپۋبليكاسى سىرتقى ىستەر مينيسترلىگى قۇزىرلى ورگاندارمەن بىرلەسىپ، تاياۋ شىعىستان ازاماتتارىمىزدى ەلگە قايتارۋ جۇمىستارىن جالعاستىرۋدا، دەپ حابارلايدى "ادىرنا" ۇلتتىق پورتالى.
مينيسترلىكتىڭ 2026 جىلعى 6 ناۋرىزداعى رەسمي حابارلاماسىنا سايكەس، ەۆاكۋاتسيا باستالعالى بەرى رەزيدەنت جانە رەزيدەنت ەمەس اۋە كومپانيالارى ارقىلى 12 رەيس ۇيىمداستىرىلىپ، 3300-دەن استام قازاقستاندىق ەلگە ورالعان.
اۋە رەيستەرىنەن بولەك، ازاماتتاردى جەرۇستى جولدارى ارقىلى شىعارۋ دا جۇزەگە اسىرىلۋدا. مىسالى، 6 ناۋرىزدا يرانداعى ديپلوماتتار "زاركۋح" كومپانياسىندا جۇمىس ىستەيتىن 7 قازاقستاندىقتى يران-ارمەنيا شەكاراسىنا جەتكىزۋدى جوسپارلاپ وتىر. بۇعان دەيىن تەگەران مەن ەرەۆانداعى ديپلوماتتار يران اۋماعىندا قالعان 34 قىزمەتكەردىڭ ەلگە قايتۋىن ۇيىمداستىرىپ، ولار اۆتوبۋسپەن شەكارادان ءوتتى. جالپى بۇگىنگە دەيىن يراننان 52 قازاقستاندىق قايتارىلدى.
