Qazaqstan Respublikasy syrtqy ıster ministrlıgı qūzyrly organdarmen bırlesıp, Taiau Şyǧystan azamattarymyzdy elge qaitaru jūmystaryn jalǧastyruda, dep habarlaidy "Adyrna" ūlttyq portaly.
Ministrlıktıŋ 2026 jylǧy 6 nauryzdaǧy resmi habarlamasyna säikes, evakuasiia bastalǧaly berı rezident jäne rezident emes äue kompaniialary arqyly 12 reis ūiymdastyrylyp, 3300-den astam qazaqstandyq elge oralǧan.
Äue reisterınen bölek, azamattardy jerüstı joldary arqyly şyǧaru da jüzege asyryluda. Mysaly, 6 nauryzda İrandaǧy diplomattar "Zarkuh" kompaniiasynda jūmys ısteitın 7 qazaqstandyqty İran-Armeniia şekarasyna jetkızudı josparlap otyr. Būǧan deiın Tegeran men Erevandaǧy diplomattar İran aumaǧynda qalǧan 34 qyzmetkerdıŋ elge qaituyn ūiymdastyryp, olar avtobuspen şekaradan öttı. Jalpy bügınge deiın İrannan 52 qazaqstandyq qaitaryldy.
