اقش پرەزيدەنتى دونالد ترامپ يراننىڭ جاڭا جوعارعى كوشباسشىسىن تاڭداۋ پروتسەسىنە ۆاشينگتوننىڭ دا ىقپال ەتۋى قاجەت دەپ سانايدى، دەپ حابارلايدى "ادىرنا" ۇلتتىق پورتالى.
بۇل تۋرالى ول Axios باسىلىمىنا بەرگەن سۇحباتىندا مالىمدەدى.
ترامپتىڭ ايتۋىنشا، يراننىڭ مارقۇم رۋحاني كوشباسشىسى اياتوللا الي حامەنەيدىڭ ۇلى مودجتابا حامەنەينىڭ كانديداتۋراسى اقش ءۇشىن قولايسىز.
«اقش جاڭا جوعارعى كوشباسشىنى تاعايىنداۋ پروتسەسىنە ىقپال ەتۋ مۇمكىندىگىنە يە بولۋى كەرەك»، – دەدى ول.
سونىمەن قاتار ترامپ يرانداعى جاڭا كوشباسشىنىڭ تاڭدالۋى ايماقتاعى تۇراقتىلىققا تىكەلەي اسەر ەتەتىنىن اتاپ ءوتتى. ونىڭ پىكىرىنشە، حامەنەي جۇرگىزگەن ساياسات جالعاسا بەرسە، اقش-پەن اراداعى قاقتىعىس قايتا ءورشىپ، بىرنەشە جىلعا سوزىلۋى مۇمكىن.
اقش پرەزيدەنتى يراندا ەلگە تۇراقتىلىق پەن بەيبىتشىلىك اكەلەتىن جاڭا كوشباسشىنىڭ پايدا بولعانىن قالايتىنىن جەتكىزدى.
