يران اۋماعىنان ۇشىرىلعان ۇشقىشسىز ۇشۋ اپپاراتى ازەربايجاننىڭ ناحيچەۆان اۋەجايىنا قۇلادى. بۇل تۋرالى ەلدىڭ Trend جانە APA اگەنتتىكتەرى جازدى، دەپ حابارلايدى «ادىرنا» ءتىلشىسى.
APA مالىمەتىنشە، تاعى بىرنەشە درون باسقا جەرلەرگە دە قۇلاعان.
جەرگىلىكتى باق اۋەجايدا ءورت شىققانىن جازۋدا. جەلىدە تاراعان اقپاراتقا سۇيەنسەك، قازىرگى ۋاقىتتا جەدەل قىزمەتتەر ءورتتى سوندىرۋمەن جانە زالالدى باعالاۋمەن اينالىسىپ جاتىر.
زارداپ شەككەندەر مەن قازا بولعاندار تۋرالى اقپارات ءالى ناقتىلانبادى.
ەسكە سالايىق، بۇعان دەيىن تۇركيانىڭ اۋە كەڭىستىگىنە كىرگەن يران زىمىرانى قۇلاتىلعان ەدى. ەل پرەزيدەنتى رەجەپ تايپ ەردوعان وقيعاعا قاتىستى پىكىر ءبىلدىرىپ، قاتاڭ ەسكەرتۋ جايلى ايتقان.
ۇقساس جاڭالىقتار
