ازەربايجاننىڭ ماسكەۋدەگى ۇلتتىق-مادەني اۆتونومياسىنىڭ توراعاسى باحتيار گاسانوۆ رەسەيدەن دەپورتاتسيالاندى، دەپ حابارلايدى "ادىرنا" ۇلتتىق پورتالى.
بۇل تۋرالى APA اگەنتتىگىنىڭ رەسەيدەگى بيۋروسى حابارلادى. باحتيار گاسانوۆ ءبىراز ۋاقىت ميگرانتتاردى ۋاقىتشا ۇستاۋ ورتالىعىندا بولعان. كەيىن ونى ورتالىقتان اۋەجايعا جەتكىزىپ، رەسەي اۋماعىنان شىعارعان. بۇعان دەيىن گاسانوۆتىڭ رەسەي ازاماتتىعىنىڭ كۇشى جويىلعان بولاتىن. ول 2026 جىلدىڭ ماۋسىمىندا قۇقىق قورعاۋ ورگاندارى تاراپىنان ۇستالىپ، ميگرانتتاردى ۋاقىتشا ۇستاۋ ورتالىعىنا ورنالاستىرىلعان.
رەسەيلىك جانە ازەربايجاندىق باق مالىمەتىنشە، گاسانوۆتى رەسەيدەن شىعارۋ ءراسىمى ازاماتتىعىنان ايىرىلعاننان كەيىن جۇزەگە اسقان. كەيبىر اقپارات قۇرالدارى ونىڭ ەلدەن شىعارۋ تۋرالى شەشىمگە شاعىمدانعانىن، الايدا سوت اپەللياتسيانى قاناعاتتاندىرماعانىن حابارلادى.
وسىلايشا، ماسكەۋدەگى ازەربايجان ۇلتتىق-مادەني اۆتونومياسىن باسقارعان باحتيار گاسانوۆ رەسەي اۋماعىنان شىعارىلدى.
