«كىتاپ وقيتىن ۇلت» پيلوتتىق جوباسى قورىتىندى كەزەڭگە شىعىپ، ءوزىنىڭ اۋقىمدىلىعىن راستاپ وتىر.
«كىتاپ وقيتىن ۇلت» پيلوتتىق جوباسى التى ايدا جاقسى ناتيجە كورسەتتى. قاراعاندى جانە قوستاناي وبلىستارى مەن شىمكەنت قالاسىنان جوباعا 189 مىڭ ادام قاتىستى. ءار قاتىسۋشى 10–15 كىتاپ وقىدى. ياعني، وسى 189 مىڭ ادامنىڭ جالپى وقىعان كىتابىنىڭ سانى 2 ميلليوننان استى. بۇل — 600 ميلليوننان اسا كىتاپ بەتى وقىلدى دەگەن ءسوز.
ورتا ەسەپپەن ەلىمىزدە ءبىر ادام جىلىنا 2–3 كىتاپ قانا وقىسا، جوباعا قاتىسۋشىلار التى ايدا ءوز كورسەتكىشىن 5 ەسەگە ارتتىرعان. قاتىسۋشىلاردىڭ ايتۋىنشا، كۇن سايىن 30–50 بەت وقۋ ادەتكە اينالىپ، كىتاپ وتباسىلىق كەشتەردىڭ، مەكتەپتەگى اڭگىمەلەردىڭ جانە جۇمىس ۇزىلىستەرىنىڭ اجىراماس بولىگى بولعان.
جوبا مىڭداعان ادامعا كىتاپ وقۋدى مىندەتتى تاپسىرمادان گورى شىنايى قىزىعۋشىلىققا اينالدىرۋعا كومەكتەستى. ساپالى ادەبيەتكە تۇراقتى جۇگىنۋ كونتسەنتراتسيانى، سىني ويلاۋدى جانە ەموتسيونالدىق ينتەللەكتتى نىعايتادى.
الداعى ۋاقىتتا جوبانىڭ بايقاۋ كەزەڭى باستالادى. قاتىسۋشىلار وقىعان شىعارمالارى بويىنشا تەست تاپسىرىپ، دەباتتا ءسوز جارىستىرىپ، ينتەللەكتۋالدىق ۆيكتورينالاردا ءوزارا سىنعا تۇسەدى. ەڭ ۇزدىك وقىرماندار تەك اقشالاي سىيلىقتارعا عانا ەمەس، ەلدىڭ كىتاپ وقيتىن جاڭا بۋىنى اتاعىنا يە بولادى.
ۇيىمداستىرۋشىلار ءۇش وڭىردەگى ىرىكتەۋ كەزەڭدەرىنىڭ ناقتى مەرزىمدەرىن جاريالادى:
«كىتاپ وقيتىن مەكتەپ» باعىتى:
ءبىرىنشى كەزەڭ (مەكتەپتىك): 2026 جىلعى 1–8 ءساۋىر
ەكىنشى كەزەڭ (اۋداندىق): 2026 جىلعى 9–15 ءساۋىر
ءۇشىنشى كەزەڭ (وبلىستىق/قالالىق): 2026 جىلعى 16–20 ءساۋىر
«كىتاپ وقيتىن پەداگوگ» باعىتى:
ءبىرىنشى كەزەڭ (مەكتەپتىك): 2026 جىلعى 13–20 ناۋرىز
ەكىنشى كەزەڭ (اۋداندىق): 2026 جىلعى 26–31 ناۋرىز
ءۇشىنشى كەزەڭ (وبلىستىق/قالالىق): 2026 جىلعى 1–15 ءساۋىر
«كىتاپ وقيتىن ديناستيا» باعىتى:
ءبىرىنشى كەزەڭ (مەكتەپتىك): 2026 جىلعى 16–25 ناۋرىز
ەكىنشى كەزەڭ (اۋداندىق): 2026 جىلعى 26 ناۋرىز – 13 ءساۋىر
ءۇشىنشى كەزەڭ (وبلىستىق/قالالىق): 2026 جىلعى 14–20 ءساۋىر
«كىتاپ وقيتىن ۋنيۆەرسيتەت» باعىتى:
ءبىرىنشى كەزەڭ (ۋنيۆەرسيتەت ىشىندە): 2026 جىلعى 3–13 ءساۋىر
ەكىنشى كەزەڭ (وبلىستىق/قالالىق): 2026 جىلعى 14–20 ءساۋىر
«كىتاپ وقيتىن كوللەدج» باعىتى:
ءبىرىنشى كەزەڭ (كوللەدج ىشىندە): 2026 جىلعى 3–10 ءساۋىر
ەكىنشى كەزەڭ (وبلىستىق/قالالىق): 2026 جىلعى 10–20 ءساۋىر
«كىتاپ وقيتىن مەملەكەتتىك قىزمەتشى» باعىتى:
ءبىرىنشى كەزەڭ (اۋداندىق): 2026 جىلعى 20–31 ناۋرىز
ەكىنشى كەزەڭ (وبلىستىق/قالالىق): 2026 جىلعى 6–20 ءساۋىر
«پيلوتتىق جوبا كورسەتكەندەي: كىتاپ وقۋ – جاسقا دا، ماماندىققا دا قاراماستان مىڭداعان ادامدى بىرىكتىرەتىن قۋاتتى كۇش. التى اي ىشىندە قاتىسۋشىلار ءبىلىم مەن ينتەللەكتۋالدىق دامۋعا دەگەن زور سۇرانىسىن ايقىن راستادى. بايقاۋ كەزەڭى وسى قوزعالىستىڭ شىڭى بولىپ، ناعىز كىتاپ وقيتىن ۇلتتىڭ بەرىك نەگىزىن قالايدى»، – دەپ اتاپ ءوتتى «كىتاپ وقيتىن ۇلت – چيتايۋششايا ناتسيا» قوعامدىق قورىنىڭ اتقارۋشى ديرەكتورى ايان ساكوشەۆ.
جەڭىمپازداردىڭ ەسىمدەرى 23 ساۋىردە – ۇلتتىق كىتاپ كۇنى جاريا ەتىلەدى. ۇزدىك قاتىسۋشىلار اقشالاي سىيلىقتارمەن ماراپاتتالادى.
