«Kıtap oqityn ūlt» pilottyq jobasy qorytyndy kezeŋge şyǧyp, özınıŋ auqymdylyǧyn rastap otyr.
«Kıtap oqityn ūlt» pilottyq jobasy alty aida jaqsy nätije körsettı. Qaraǧandy jäne Qostanai oblystary men Şymkent qalasynan jobaǧa 189 myŋ adam qatysty. Är qatysuşy 10–15 kıtap oqydy. Iаǧni, osy 189 myŋ adamnyŋ jalpy oqyǧan kıtabynyŋ sany 2 millionnan asty. Būl — 600 millionnan asa kıtap betı oqyldy degen söz.
Orta eseppen elımızde bır adam jylyna 2–3 kıtap qana oqysa, jobaǧa qatysuşylar alty aida öz körsetkışın 5 esege arttyrǧan. Qatysuşylardyŋ aituynşa, kün saiyn 30–50 bet oqu ädetke ainalyp, kıtap otbasylyq keşterdıŋ, mekteptegı äŋgımelerdıŋ jäne jūmys üzılısterınıŋ ajyramas bölıgı bolǧan.
Joba myŋdaǧan adamǧa kıtap oqudy mındettı tapsyrmadan görı şynaiy qyzyǧuşylyqqa ainaldyruǧa kömektestı. Sapaly ädebietke tūraqty jügınu konsentrasiiany, syni oilaudy jäne emosionaldyq intellekttı nyǧaitady.
Aldaǧy uaqytta jobanyŋ baiqau kezeŋı bastalady. Qatysuşylar oqyǧan şyǧarmalary boiynşa test tapsyryp, debatta söz jarystyryp, intellektualdyq viktorinalarda özara synǧa tüsedı. Eŋ üzdık oqyrmandar tek aqşalai syilyqtarǧa ǧana emes, eldıŋ kıtap oqityn jaŋa buyny ataǧyna ie bolady.
Ūiymdastyruşylar üş öŋırdegı ırıkteu kezeŋderınıŋ naqty merzımderın jariialady:
«KITAP OQİTYN MEKTEP» baǧyty:
Bırınşı kezeŋ (mekteptık): 2026 jylǧy 1–8 säuır
Ekınşı kezeŋ (audandyq): 2026 jylǧy 9–15 säuır
Üşınşı kezeŋ (oblystyq/qalalyq): 2026 jylǧy 16–20 säuır
«KITAP OQİTYN PEDAGOG» baǧyty:
Bırınşı kezeŋ (mekteptık): 2026 jylǧy 13–20 nauryz
Ekınşı kezeŋ (audandyq): 2026 jylǧy 26–31 nauryz
Üşınşı kezeŋ (oblystyq/qalalyq): 2026 jylǧy 1–15 säuır
«KITAP OQİTYN DİNASTİIа» baǧyty:
Bırınşı kezeŋ (mekteptık): 2026 jylǧy 16–25 nauryz
Ekınşı kezeŋ (audandyq): 2026 jylǧy 26 nauryz – 13 säuır
Üşınşı kezeŋ (oblystyq/qalalyq): 2026 jylǧy 14–20 säuır
«KITAP OQİTYN UNİVERSİTET» baǧyty:
Bırınşı kezeŋ (universitet ışınde): 2026 jylǧy 3–13 säuır
Ekınşı kezeŋ (oblystyq/qalalyq): 2026 jylǧy 14–20 säuır
«KITAP OQİTYN KOLLEDJ» baǧyty:
Bırınşı kezeŋ (kolledj ışınde): 2026 jylǧy 3–10 säuır
Ekınşı kezeŋ (oblystyq/qalalyq): 2026 jylǧy 10–20 säuır
«KITAP OQİTYN MEMLEKETTIK QYZMETŞI» baǧyty:
Bırınşı kezeŋ (audandyq): 2026 jylǧy 20–31 nauryz
Ekınşı kezeŋ (oblystyq/qalalyq): 2026 jylǧy 6–20 säuır
«Pilottyq joba körsetkendei: kıtap oqu – jasqa da, mamandyqqa da qaramastan myŋdaǧan adamdy bırıktıretın quatty küş. Alty ai ışınde qatysuşylar bılım men intellektualdyq damuǧa degen zor sūranysyn aiqyn rastady. Baiqau kezeŋı osy qozǧalystyŋ şyŋy bolyp, naǧyz Kıtap oqityn ūlttyŋ berık negızın qalaidy», – dep atap öttı «Kıtap oqityn ūlt – Chitaiuşaia nasiia» qoǧamdyq qorynyŋ atqaruşy direktory Aian Sakoşev.
Jeŋımpazdardyŋ esımderı 23 säuırde – Ūlttyq kıtap künı jariia etıledı. Üzdık qatysuşylar aqşalai syilyqtarmen marapattalady.
