AQŞ pen İzraildıŋ şabuyldary nätijesınde Natanzdaǧy iadrolyq nysandar zaqymdaldy. Būl turaly Atom quaty halyqaralyq agenttıgındegı İrannyŋ tūraqty ökılı Reza Nadjaf aitty, dep habarlaidy «Adyrna» tılşısı Associated Press-ke sılteme jasap.
«Keşe taǧy da İrandaǧy qorǧalatyn beibıt iadrolyq nysandarǧa şabuyl jasaldy. Olar İran iadrolyq qaru jasap jatyr degen syltau aitady. Būl jalǧan aqparat»,– dedı Nadjafi.
2025 jyldyŋ 13 mausymynda bastalyp, 12 künge sozylǧan soǧys barysynda İzrail İrannyŋ ärtürlı qalalaryna keŋ auqymdy şabuyldar jasap, äsırese iadrolyq nysandar men eldıŋ joǧarǧy äskeri basşylyǧyn nysanaǧa alǧan edı.
AQŞ İzraildı aşyq qoldap, 22 mausymda İrandaǧy üş iadrolyq nysanǧa — Natanz, Fordo jäne İsfahan qalalaryndaǧy obektılerge soqqylaryn jasaǧan.
Al 28 aqpanda İzrail İranǧa aldyn ala soqqy jasady. Alǧaşqy soqqynyŋ bırınde eldıŋ joǧary ruhaniia basşysy aiatolla Hamenei bastaǧan 40 äskeri basşy qaza tapqan. Qazır eldıŋ bükıl aumaǧynda tötenşe jaǧdai engızıldı. Sol kezde Donald Tramp AQŞ İranǧa qarsy auqymdy operasiia bastaǧanyn mälımdegen.
