Qazaqstan men Özbekstan Baiqoŋyr ǧaryş ailaǧy men industriialyq turizmdı damytudy maqsat etıp, bırlesken turistık marşrut äzırleude, dep habarlaidy «Adyrna» tılşısı UzDaily-ge sılteme jasap.
Qazaqstan tarapynan Özbekstannyŋ turistık salasy men käsıpkerlık qauymdastyǧyna yntymaqtastyq ūsynylyp, Qyzylorda oblysynyŋ turistık äleuetın körsetuge erekşe nazar audarylǧan.
Bastamanyŋ negızgı elementı – Qyzylorda oblysynda ornalasqan Baiqoŋyr ǧaryş ailaǧyn aralauǧa bailanysty bırlesken turistık jobalardy jasau.
Ūsynylyp otyrǧan marşrut «Soiuz» zymyran-tasyǧyşyn montajdau jäne synau jūmystaryn baqylaudy, zymyrandy start keşenıne tasymaldau jäne ornatu kezeŋderın körudı, ǧaryş ailaǧynyŋ mūrajailary men tarihi nysandaryn aralaudy, sondai-aq belgılengen künderde zymyrannyŋ ūşyryluyn tıkelei baqylaudy qamtidy.
1 jyl ışınde Baiqoŋyrdan ǧaryşqa bırneşe zymyran ūşyrylatyny atap ötıldı, al olarǧa qatysu tek aldyn ala tırkelgen jaǧdaida mümkın bolady.
Qazaqstan turoperatorlarmen bırlese otyryp, bırıkken turistık paketter qūruǧa, ǧaryştyq jäne industriialyq turizm baǧyttaryn damytyp, ekı el arasyndaǧy turistık almasudy keŋeituge daiyn ekenın mälımdedı.
