اقمولا وبلىسى ششۋچينسك قالاسىنداعى جارىلىستان زارداپ شەككەن ەكى ادام استاناعا جەتكىزىلەدى، دەپ حابارلايدى "ادىرنا" ۇلتتىق پورتالى.
قازىرگى ۋاقىتتا تاعى ون ناۋقاس جانساقتاۋ بولىمىندە جاتىر.
ششۋچينسك قالاسىندا بولعان ورتتەن كەيىن زارداپ شەككەندەر جەرگىلىكتى مەديتسينالىق مەكەمەلەردە ەم قابىلداپ جاتىر. دارىگەرلەردىڭ مالىمەتىنشە، ەكى ادام سانيتارلىق اۆياتسيا ارقىلى استانا قالاسىنا تاسىمالدانباق.
مەديتسينا قىزمەتكەرلەرى جانساقتاۋ بولىمىندەگى ون ادامنىڭ جاعدايىن اۋىر جانە وتە اۋىر دەپ باعالاپ وتىر. سونىمەن قاتار، ءۇش ادام تراۆماتولوگيا بولىمىندە ەمدەلۋدە، ال سەگىز ناۋقاس امبۋلاتوريالىق باقىلاۋدا.
قازىرگى ۋاقىتتا وقيعا ورنىندا ءورتتىڭ شىعۋ سەبەپتەرىن انىقتاۋ ءۇشىن ساراپتاما جۇرگىزىلىپ جاتىر. اتالعان فاكتى بويىنشا قىلمىستىق ءىس قوزعالدى.
ەسكە سالساق، 26 اقپاندا ششۋچينسك قالاسىنداعى “تسەنتر پلوۆا” ءدامحاناسىندا گاز-اۋا قوسپاسىنىڭ جارىلىسى بولىپ، سەگىز ادام قازا تاپتى.
