استاناداعى ۇلتتىق اكادەميالىق كىتاپحانادا قازاق ادەبيەتىنىڭ كورنەكتى وكىلى، “ايبوز-2025” ۇلتتىق ادەبي سىيلىعىنىڭ لاۋرەاتى امانگەلدى كەڭشىلىكۇلىنىڭ ءۇش كىتابىنىڭ تۇساۋكەسەرى ءوتتى، دەپ حابارلايدى "ادىرنا" ۇلتتىق پورتالى.
شاراعا بەلگىلى جازۋشىلار مەن ادەبيەت قايراتكەرلەرى جينالىپ، قالامگەردىڭ شىعارماشىلىعىنا جوعارى باعا بەردى.
تۇساۋكەسەردە امانگەلدى كەڭشىلىكۇلىنىڭ ء“سوز پاتشاسى”، “جۇرەك ءسوزى” جانە “تولستويدىڭ ءومىرى” اتتى ەڭبەكتەرى وقىرمان نازارىنا ۇسىنىلدى. ء“سوز پاتشاسى” مەن “جۇرەك ءسوزى” كىتاپتارى “اتامۇرا” باسپاسىنان جارىق كورگەن.
شاراعا حالىق جازۋشىسى تولەن ابدىك، قوعام قايراتكەرى، جازۋشى ساۋىتبەك ابدراحمانوۆ، “اتامۇرا” كورپوراتسياسىنىڭ پرەزيدەنتى راقىمعالي قۇل-مۇحاممەد، قر ۇلتتىق اكادەميالىق كىتاپحاناسىنىڭ ديرەكتورى كۇمىس سەيىتوۆا، جۋرناليست قۋانىش جيەنباي، مەملەكەتتىك سىيلىقتىڭ يەگەرى، اقىن عالىم جايلىباي، اقىندار باۋىرجان باباجانۇلى مەن بايانعالي ءالىمجانوۆ قاتىستى. قوناقتار جاڭا كىتاپتاردىڭ تۇساۋىن كەستى.
جيىن بارىسىندا مودەراتور بولعان قوعام قايراتكەرى ساۋىتبەك ابدراحمانوۆ “اتامۇرا” باسپاسىنىڭ “مەكتەپ كىتاپحاناسى” سەرياسىنداعى تۋىندىلارعا جوعارى باعا بەرىپ، كىتاپ تارالىمىنىڭ وقىرمان ءۇشىن ماڭىزدى ەكەنىن اتاپ ءوتتى.
تۇساۋكەسەر بارىسىندا ادەبي سىن مەن قوعام اراسىنداعى بايلانىستىڭ ماڭىزدىلىعى دا ءسوز بولدى. حالىق جازۋشىسى تولەن ابدىك باستاعان پىكىر ايتۋشىلار امانگەلدى كەڭشىلىكۇلىنىڭ سىن سالاسىنداعى ەڭبەگىن جوعارى باعالاپ، ونىڭ شىعارماشىلىق مۇراسى قازاق ادەبيەتى ءۇشىن ۇلكەن قۇندىلىق ەكەنىن اتاپ ءوتتى.
سونىمەن قاتار، شارا تورعاي جەرىنىڭ كيەلى توپىراعىندا تۋىپ، بيىل 80 جىلدىعى تويلانعان كەڭشىلىك مىرزابەكوۆتىڭ ءومىرى مەن شىعارماشىلىعىنا دا ارنالدى.
تانىستىرىلىمعا قاتىسۋشىلار امانگەلدى كەڭشىلىكۇلىنىڭ اكە ءداستۇرىن جالعاستىرىپ، ۇلتتىق ادەبيەتكە قىزمەت ەتىپ كەلە جاتقانىنا ريزا بولىپ، جىلى لەبىزدەرىن ءبىلدىردى.
شارانىڭ سوڭىندا قاتىسۋشىلار ادەبيەت سىنىنىڭ ساپاسى مەن اۋقىمى شىعارماشىلىقتىڭ ۇلتتىق ميسسياسىن الەمدىك دەڭگەيگە كوتەرەتىن نەگىزگى فاكتور ەكەنىن اتاپ، اۆتور شىعارماشىلىعى قازاق ادەبيەتىندە جاڭا بەلەستەرگە جەتەتىندىگىنە سەنىم ءبىلدىردى.
