Bügın, 25 aqpanda Qaraǧandy oblysynda josparly oqu-jattyǧu ūşulary barysynda Su-30SM joiǧyş ūşaǧy apatqa ūşyrady. Būl turaly Qorǧanys ministrlıgı aitty, dep habarlaidy «Adyrna» tılşısı.
«Ūşaq ekipajy der kezınde katapult jasady. Ūşqyştar dın aman, olardyŋ ömırı men densaulyǧyna qauıp joq. Qazırgı uaqytta medisinalyq mamandardyŋ baqylauynda»,-delıngen habarlamada.
Ūşaq qūlaǧan aumaq qorşauǧa alynǧan. Tūrǧyndar men infraqūrylym nysandaryna eş qauıp joq.
Oqiǧanyŋ sebepterı men män-jaiyn anyqtau üşın Qazaqstan Respublikasy Qorǧanys ministrlıgınıŋ arnaiy komissiiasy qūrylǧan. Komissiiany ūşu qauıpsızdıgı jönındegı departament basqarady. Qūramyna aviasiialyq qyzmettıŋ arnaiy mamandary kırgen.
Tergeu qorytyndysy boiynşa qūqyqtyq baǧa berılıp, prosessualdyq şeşım qabyldanady.
