ونەركاسىپ جانە قۇرىلىس ۆيتسە-ءمينيسترى تيمۋر قاراعويشين قىزمەتىنەن بوساتىلدى، دەپ حابارلايدى "ادىرنا" ءتىلشىسى.
قازاقستان رەسپۋبليكاسى ۇكىمەتىنىڭ قاۋلىسىمەن تيمۋر جيەنبايۇلى قاراعويشين زەينەتكەرلىك جاسقا تولۋىنا بايلانىستى ونەركاسىپ جانە قۇرىلىس ۆيتسە-ءمينيسترى قىزمەتىنەن بوساتىلدى.
ول 1961 جىلى باتىس قازاقستان وبلىسىندا دۇنيەگە كەلگەن. الماتى ساۋلەت-قۇرىلىس ينستيتۋتىن، تەحنولوگيا، قۇرىلىس، باعالاۋ جانە ساپانى باسقارۋ ۋنيۆەرسيتەتىن تامامداعان.
تيمۋر جيەنبايۇلى ەڭبەك جولىن 1978 جىلى باستاعان. كەيىننەن 1985-1991 جىلدارى – جىلجىمالى مەحانيكالاندىرىلعان كولوننالاردىڭ شەبەرى، پرورابى.
1991-1994 جىلدارى – «ساۋلەت» فۋرمانوۆ شاعىن كاسىپورنى، ورال وبلىستىق اتقارۋ كوميتەتىنىڭ ساۋلەت جانە قۇرىلىس كوميتەتىنىڭ شارۋاشىلىق ەسەپتەگى جوبالاۋ-وندىرىستىك ساۋلەت-جوسپارلاۋ بيۋروسىنىڭ ديرەكتورى، 1994-1996 جىلدارى – بقو جالپاقتال اۋداندىق اكىمشىلىگى باسشىسىنىڭ ورىنباسارى، ال 1996-2001 جىلدارى – «ورالاۆتوجول» قازىنالىق كاسىپورنىنىڭ باس مامانى، ديرەكتوردىڭ جول قورى بويىنشا ورىنباسارى قىزمەتتەرىن اتقاردى.
2001-2002 جىلدارى – قر ەكونوميكا جانە ساۋدا مينيسترلىگى قۇرىلىس ىستەرى كوميتەتىنىڭ باتىس قازاقستان وبلىستىق ورتالىعىنىڭ ديرەكتورى، 2002-2005 جىلدارى – بقو بويىنشا ساۋلەت-قۇرىلىستى باقىلاۋ، ينسپەكتسيالاۋ جانە ليتسەنزيالاۋ باسقارماسى باسشىسىنىڭ م. ا.، باسشىسى، ديرەكتوردىڭ ورىنباسارى; يندۋستريا، ساۋدا جانە شاعىن بيزنەستى قولداۋ دەپارتامەنتىنىڭ ديرەكتورى.
2005-2007 جىلدارى – ورال قالاسى اكىمىنىڭ ورىنباسارى، 2007-2008 جىلدارى – «قازاقستان تەمىر جولى» ۇك» اق فيليالىنىڭ ديرەكتورى، جوبالاۋ جانە كۇردەلى قۇرىلىس ديرەكتسياسى.
2008 جىلعى قازان-قاراشا ارالىعىندا – بقو اكىمىنىڭ كەڭەسشىسى بولسا، 2009-2010 جىلدارى كوممەرتسيالىق ۇيىمدى باسقاردى.
2011 ج. قاڭتار-شىلدە ارالىعىندا – ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى رەكتورىنىڭ كەڭەسشىسى.
2011-2013 جىلدارى – اقمولا وبلىسى بويىنشا مەملەكەتتىك ساۋلەت-قۇرىلىس باقىلاۋ جانە ليتسەنزيالاۋ دەپارتامەنتىنىڭ ديرەكتورى.
2013 جىلعى ءساۋىر-قاراشا ارالىعىندا – قر وڭىرلىك دامۋ مينيسترلىگىنىڭ قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ قۇرىلىستاعى سمەتالىق نورمالار باسقارماسىنىڭ باسشىسى، ال 2013-2016 جىلدارى – «مەمساراپتاما» رمك باس ديرەكتورىنىڭ ءبىرىنشى ورىنباسارى، باس ديرەكتورىنىڭ مىندەتىن اتقاردى.
2016-2021 جىلدارى «مەمساراپتاما» شجق رمك باس ديرەكتورى قىزمەتىن اتقارعان.
2023 جىلعى ساۋىردەن باستاپ قازىرگى ۋاقىتقا دەيىن قر يندۋستريا جانە ينفراقۇرىلىمدىق دامۋ مينيسترلىگى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ توراعاسى – قر باس مەملەكەتتىك قۇرىلىس ينسپەكتورى قىزمەتىن اتقاردى.
ەسكە سالا كەتەيىك، جىل باسىندا ۆيتسە-مينيستر ءماجىلىس دەپۋتاتتارىمەن سوزگە كەلگەن. جانجال جاڭا قۇرىلىس كودەكسىنىڭ جوباسىن تالقىلاۋ كەزىندە تۋىنداعان ەدى.
ال ۆيتسە-ءمينيستردىڭ ۇلى رۋستام قاراعويشين 9 اقپان كۇنى «بايتەرەك» حولدينگىنىڭ باسشىسى بولىپ تاعايىندالعان. ول 2023 جىلى ول Forbes نۇسقاسى بويىنشا قازاقستاننىڭ ەڭ ىقپالدى 50 بيزنەسمەنىنىڭ قاتارىنا كىرگەن ەدى.
