استانادا Qazaq coffee كوفەحاناسى قازاق تىلىندە قىزمەت كورسەتۋگە مىندەتتى بولماعاندىقتان جابىلدى. بۇل تۋرالى 2گيس قوسىمشاسىندا جازىلعان، دەپ حابارلايدى “ادىرنا” ۇلتتىق پورتالى.
الەۋمەتتىك جەلى قولدانۋشىلارى استانادا Qazaq coffee كوفەحاناسىندا بولعان جانجالدىڭ ءمان-جايىن تالقىلاپ جاتىر. 2گيس قوسىمشاسىندا Qazaq coffee كوفەحاناسىنىڭ پىكىرلەر بولىمىندە كليەنت قازاقشا ءمازىردىڭ جوق ەكەنىن جازعان. كەيىن كوفەحانا يەسى وعان قازاق تىلىندە قىزمەت كورسەتۋگە مىندەتتى ەمەس ەكەنىن، سونداي-اق باسقا دا ورتالىقتاردا قۇجات بويىنشا 50/50 ورىس قازاق تىلدەرى بولعانىمەن، تەك قانا ورىسشا قىزمەت كورسەتەتىنىن العا تارتقان.
بۇل وقيعادان كەيىن وزگە دە كليەنتتەر جاپپاي كەرى پىكىر جازدى. قازىر كوفەحانا ۋاقىتشا جۇمىسىن توقتاتتى.
ايتا كەتەيىك، 2022 جىلدان باستاپ زاڭ بويىنشا كورنەكى اقپارات، سونىڭ ىشىندە اس ءمازىرىنىڭ قازاقشا نۇسقاسى بولۋى مىندەتتەلەدى. قر ء"تىل تۋرالى" زاڭىنىڭ №151, 21 بابىنا سايكەس “ەگەر قازاقستان رەسپۋبليكاسىنىڭ زاڭنامالىق اكتىلەرىندە وزگەشە كوزدەلمەسە، حابارلاندىرۋلار، جارناما، پرەيسكۋرانتتار، باعا كورسەتكiشتەرi, اس مازىرلەرى، نۇسقاعىشتار جانە باسقا دا كورنەكi اقپارات مەملەكەتتىك تىلدە، قاجەت بولعان كەزدە ورىس تىلىندە جانە (نەمەسە) باسقا تiلدەردە دە ورنالاستىرىلادى”.
