رەسەيدە كوروناۆيرۋستىڭ جاڭا ءتۇرى انىقتالدى. XFG دەپ اتالاتىن مۋتاتسياعا ۇشىراعان ۆيرۋس قازىر 85 وڭىردە تاراپ كەتكەن، دەپ حابارلايدى "ادىرنا".
اۋرۋحاناعا تۇسكەندەردىڭ 90 پايىزىندا وسى شتامم، دەيدى ماماندار. بۇل ۆيرۋستىڭ جۇقتىرۋ كورسەتكىشى بۇرىنعىلارعا قاراعاندا جوعارى.
"بەلگىلەرى ءجىتى رەسپيراتورلىق ۆيرۋستىق ينفەكتسيالارعا ۇقساس. ناۋقاستاردا جوتەل، دەنە قىزۋى جانە السىزدىك بايقالادى", دەپ جازادى qazaqstan.tv.
بۇل شتاممدى جۇقتىرعانداردا تاماعى قارلىعىپ، داۋىسى شىقپاي قالۋى مۇمكىن.
"سوڭعى جىلدارى ۆيرۋس ۇنەمى جاڭارىپ، مۋتاتسياعا ۇشىراپ وتىرادى. سوندىقتان جاڭا شتامم ءۇشىن كارانتين جاريالاۋدىڭ قاجەتى جوق. تەك تۇرعىندار يممۋنيتەتتى كوتەرۋى ءتيىس. جالپى ۆيرۋستان ساقتانۋعا بىزدە 10-نان استام ۆاكتسينا شىعارىلعان. ولار ۋاقىتشا بولسا دا، اعزادا يممۋنيتەت قالىپتاستىرا الادى", - دەيدى دارىگەر سۆەتلانا اندرەەۆا.ۇقساس جاڭالىقتار
