مەكتەپتەردى اشۋ ءۇشىن مۇعالىمدەردى ۆاكتسيناتسيالاۋ قارقىندى تۇردە ءجۇرىپ جاتىر، دەپ حابارلايدى "ادىرنا" ۇلتتىق پورتالى.
مەكسيكا بيلىگىنىڭ حابارلاۋى بويىنشا، الداعى ءۇش ايدا 3 ميلليونعا جۋىق ۇستازعا ۆاكتسينا ەگىلۋى ءتيىس. بۇل جوسپاردى ورىنداۋ ءۇشىن ارنايى ەكپە سالاتىن بولەك ورىندار اشىلعان. دىتتەگەن ماقساتقا قول جەتكىزۋ ءۇشىن مەكسيكانىڭ دەنساۋلىق ساقتاۋ مينيسترىلىگى قىتايلىق CanSino پرەپاراتىن تاڭداعان. ايىرماشىلىعى، ەكپەنىڭ 1 عانا دوزاسى ەگىلەدى ەكەن. ساپالى ءبىلىم الۋ ءۇشىن مەكتەپتەر اشىلۋى كەرەك. ال مەكتەپتى اشۋ ءۇشىن بارلىعى ۆاكتسينا الۋى ءتيىس.
"مەكسيكا پرەزيدەنتى اندرەس مانۋەل لوپەس وبرادور: "وقۋشىلاردىڭ بارلىعى پارتاعا قايتا وتىرۋ كەرەك. مەكتەپتەردەگى وقۋ ءۇردىسىن جانداندىرۋىمىز قاجەت. بۇل بالالارىمىزدىڭ بولاشاعى ءۇشىن وتە ماڭىزدى", – دەدى.
