قوستاناي وبلىسىندا ساۋدا ورتالىعىندا جارىلىس بولادى دەگەن جالعان اقپارات تاراتقان ءجاسوسپىرىم انىقتالىپ، جاۋاپكەرشىلىككە تارتىلدى، دەپ حابارلايدى "ادىرنا" ۇلتتىق پورتالى.
پوليتسيا دەپارتامەنتىنىڭ ەكسترەميزمگە قارسى ءىس-قيمىل باسقارماسى جۇرگىزگەن جەدەل-ىزدەستىرۋ شارالارى بارىسىندا قۇقىق بۇزۋشىلىق جاساعان كامەلەتكە تولماعان تۇلعا انىقتالعان. ول قالاداعى ساۋدا ورتالىقتارىنىڭ بىرىندە جارىلىس دايىندالىپ جاتىر دەگەن جالعان حابار بەرگەن. الايدا بۇل اقپارات راستالمادى.
ءىس قوستاناي وبلىسىنىڭ كامەلەتكە تولماعاندار ىستەرى جونىندەگى مامانداندىرىلعان اۋدانارالىق سوتى قاراۋىنا جىبەرىلىپ، سوت شەشىمىمەن جاسوسپىرىمگە ءبىر جىل مەرزىمگە باس بوستاندىعىن شەكتەۋ جازاسى تاعايىندالدى. سونىمەن قاتار وعان پروباتسيالىق باقىلاۋ بەلگىلەندى. قازىرگى ۋاقىتتا سوت ۇكىمى زاڭدى كۇشىنە ەنگەن جوق.
قۇقىق قورعاۋ ورگاندارى جالعان تەرروريزم تۋرالى حابار تاراتۋ اۋىر قىلمىس ەكەنىن ەسكەرتەدى. مۇنداي ارەكەتتەر ءۇشىن زاڭ بويىنشا قىلمىستىق جاۋاپكەرشىلىك قاراستىرىلعان.
