Qostanai oblysynda sauda ortalyǧynda jarylys bolady degen jalǧan aqparat taratqan jasöspırım anyqtalyp, jauapkerşılıkke tartyldy, dep habarlaidy "Adyrna" ūlttyq portaly.
Polisiia departamentınıŋ ekstremizmge qarsy ıs-qimyl basqarmasy jürgızgen jedel-ızdestıru şaralary barysynda qūqyq būzuşylyq jasaǧan kämeletke tolmaǧan tūlǧa anyqtalǧan. Ol qaladaǧy sauda ortalyqtarynyŋ bırınde jarylys daiyndalyp jatyr degen jalǧan habar bergen. Alaida būl aqparat rastalmady.
Is Qostanai oblysynyŋ kämeletke tolmaǧandar ısterı jönındegı mamandandyrylǧan audanaralyq soty qarauyna jıberılıp, sot şeşımımen jasöspırımge bır jyl merzımge bas bostandyǧyn şekteu jazasy taǧaiyndaldy. Sonymen qatar oǧan probasiialyq baqylau belgılendı. Qazırgı uaqytta sot ükımı zaŋdy küşıne engen joq.
Qūqyq qorǧau organdary jalǧan terrorizm turaly habar taratu auyr qylmys ekenın eskertedı. Mūndai äreketter üşın zaŋ boiynşa qylmystyq jauapkerşılık qarastyrylǧan.
