"قازاقفيلم" 3 ملن تەڭگە ايىپپۇل تولەۋگە مىندەتتەلدى، دەپ حابارلايدى "ادىرنا" ۇلتتىق پورتالى.
قازاقستاننىڭ قر باسەكەلەستىكتى قورعاۋ جانە دامىتۋ اگەنتتىگى مالىمەتىنشە، كينوستۋديا «قازاقفيلم» اكىمشىلىك جاۋاپكەرشىلىككە تارتىلىپ، جالپى 2 831 040 تەڭگە كولەمىندە ايىپپۇل تولەۋگە مىندەتتەلدى. بۇل تۋرالى اگەنتتىك توراعاسى مارات وماروۆ دەپۋتاتتىق ساۋالعا بەرگەن جاۋابىندا حابارلادى.
ايىپپۇلدىڭ سەبەبى – ۆەدومستۆو سۇراۋىنا قاجەتتى مالىمەتتەردىڭ تولىق بەرىلمەۋى جانە جالعان اقپارات ۇسىنىلۋى. ەكى رەت اكىمشىلىك جاۋاپكەرشىلىككە تارتىلعان.
سونىمەن قاتار، «كينوپارك تسەنتر» جشس كومپانياسىنىڭ ارەكەتتەرىندە دومينانتتى جاعدايدى تەرىس پايدالانۋ بەلگىلەرى انىقتالعان. كومپانيا كينوپروكات قىزمەتتەرىنە قولجەتىمدىلىكتى شەكتەۋ جانە جارنامالىق بيۋدجەتتى ماجبۇرلەۋ فاكتىلەرىنە كۇدىكتەلۋدە.
قازىرگى تاڭدا اگەنتتىك الماتىداعى كينوپروكات نارىعىن 2024 جىلعى ماۋسىمنان 2025 جىلعى شىلدە ارالىعىندا تالداۋ جۇمىستارىن جۇرگىزىپ، كومپانيانىڭ نارىقتاعى دومينانتتى جاعدايىن انىقتاۋعا تىرىسۋدا. تەكسەرۋ اياقتالعان سوڭ ءتيىستى شارالار قابىلداناتىن بولادى.
