"Qazaqfilm" 3 mln teŋge aiyppūl töleuge mındetteldı, dep habarlaidy "Adyrna" ūlttyq portaly.
Qazaqstannyŋ QR bäsekelestıktı qorǧau jäne damytu agenttıgı mälımetınşe, kinostudiia «Qazaqfilm» äkımşılık jauapkerşılıkke tartylyp, jalpy 2 831 040 teŋge kölemınde aiyppūl töleuge mındetteldı. Būl turaly agenttık töraǧasy Marat Omarov deputattyq saualǧa bergen jauabynda habarlady.
Aiyppūldyŋ sebebı – vedomstvo sūrauyna qajettı mälımetterdıŋ tolyq berılmeuı jäne jalǧan aqparat ūsynyluy. Ekı ret äkımşılık jauapkerşılıkke tartylǧan.
Sonymen qatar, «Kinopark Sentr» JŞS kompaniiasynyŋ äreketterınde dominantty jaǧdaidy terıs paidalanu belgılerı anyqtalǧan. Kompaniia kinoprokat qyzmetterıne qoljetımdılıktı şekteu jäne jarnamalyq biudjettı mäjbürleu faktılerıne küdıktelude.
Qazırgı taŋda agenttık Almatydaǧy kinoprokat naryǧyn 2024 jylǧy mausymnan 2025 jylǧy şılde aralyǧynda taldau jūmystaryn jürgızıp, kompaniianyŋ naryqtaǧy dominantty jaǧdaiyn anyqtauǧa tyrysuda. Tekseru aiaqtalǧan soŋ tiıstı şaralar qabyldanatyn bolady.
