بۇگىن، 21 ماۋسىم پارلامەنت پالاتالارىنىڭ بىرلەسكەن وتىرىسىندا سەناتور بەكبولات ورىنبەكوۆ "قازاقفيلم" اق-عا مەملەكەتتەن بولىنگەن قارجى ءتيىمسىز يگەرىلىپ جاتقانىن ايتتى، دەپ حابارلايدى “ادىرنا” ۇلتتىق پورتالى.
"وسىدان بولەك قاراجاتتى پايدالانۋدىڭ تيىمسىزدىگى، ونىڭ ىشىندە كوپجىلدان بەرى كەلە جاتقان وتاندىق كينەماتوگرافيا سالاسىندا ۇلكەن پروبلەمالار بار. 2016-2022 جىلدارى كەزەڭىندە "قازاقفيلمگە" كينو شىعارۋعا جانە پروكاتتاۋعا 14,5 ملرد تەڭگە بولىنگەنىمەن ونىڭ 4,8 پايىزى عانا اقتالدى", - دەدى بەكبولات ورىنبەكوۆ پارلامەنت پالاتالارىنىڭ بىرلەسكەن وتىرىسىندا.
دەپۋتات سوزىنە ناقتى مىسالدار كەلتىردى.
"ارۋاق" فيلمىنە 300 ميلليون تەڭگە جۇمسالسا، تابىسى 7 مىڭ تەڭگە عانا تۇسكەن. "كومپوزيتور" فيلمىنە 1,2 ميلليارد تەڭگە باعىتتالسا، ونىڭ تابىسى 400 مىڭ تەڭگە بولدى. ۇلتتىق كينونى مەملەكەتتىڭ قولداۋى ورتالىعى بويىنشا 2019-2023 جىلدارى بيۋدجەتى 6,7 ميلليارد تەڭگە، ال پروكات سومماسى 1,1 ميلليارد تەڭگە. وكىنىشكە قاراي وسىنداي مىسالدار وتە كوپ. سوندىقتان مەملەكەتتىڭ اۋديتورلاردىڭ ەسەپتەرى ەسكەرىلمەيدى دەگەن كۇمان بار", - دەدى سەناتور.
