اقش سەناتى اق ءۇيدى رەسەيدى تەرروريزمدى دەمەۋشى مەملەكەت دەپ تانۋعا شاقىراتىن قارار قابىلدادى. بۇل تۋرالى The New York Times باسىلىمىنا سىلتەمە جاساپ "ادىرنا" ۇلتتىق پورتالى حابارلايدى.
قاۋلى ءماتىنى سەناتتىڭ سايتىندا جاريالانعان. وندا ۆلاديمير ءپۋتيننىڭ نۇسقاۋىمەن رەسەي ۇكىمەتى ساياسي قارسىلاستار مەن ۇلتتىق مەملەكەتتەرگە قارسى حالىقارالىق لاڭكەستىك ارەكەتتەردى قولداپ كەلگەنى جانە قولداپ وتىرعانى ايتىلعان.
سونداي-اق قاراردا رەسەي ەكىنشى شەشەن سوعىسى كەزىندە بەيبىت تۇرعىندارعا قارسى دورەكى كۇش قولدانعانى ايتىلعان.
«رەسەي فەدەراتسياسى ۇكىمەتىنىڭ شەشەنستان استاناسى گروزنىي سياقتى ازاماتتىق ورتالىقتارعا قارسى ارەكەتتەرى سانسىز بەيكۇنا ەرلەر، ايەلدەر مەن بالالاردىڭ ولىمىنە نەمەسە زارداپ شەگۋىنە اكەلدى»، - دەلىنگەن قۇجاتتا.
اقش سەناتورلارى رەسەيدىڭ دونباسستاعى سەپاراتيستەردى قولداپ، سيريا مەن ۋكرايناداعى بەيبىت تۇرعىندارعا شابۋىل جاساعانىنا سەنىمدى.
«رەسەي فەدەراتسياسىنىڭ ۇكىمەتى سيريا حالقىنا قارسى قولدانىلعان لاڭكەستىكتىڭ دەمەۋشىسى بولىپ سانالاتىن سيرياعا ماتەريالدىق قولداۋ كورسەتۋدە»، - دەلىنگەن قاراردا.
«نيۋ-يورك تايمس» گازەتى اقش-تاعى ءبىر ەلدى لاڭكەستىكتىڭ دەمەۋشىسى دەپ تانۋعا تەك مەملەكەتتىك دەپارتامەنتتىڭ عانا قۇقىعى بار ەكەنىن اتاپ كورسەتەدى. دەگەنمەن، قابىلدانعان قارار «بايدەن اكىمشىلىگىنە كونگرەسس تاراپىنان قىسىم جاسايدى».
اقش قازىردىڭ وزىندە لاڭكەستىككە دەمەۋشى ەلدەر تىزىمىنە سيريا، يران، سولتۇستىك كورەيا جانە كۋبا كىرەدى.
