قازاقستان رەسپۋبليكاسىنىڭ ۇكىمەتى رەسەيدىڭ ەكى جوعارى وقۋ ورنىنىڭ فيليالدارىن اشۋ تۋرالى قاۋلى قابىلدادى، دەپ حابارلايدى “ادىرنا” ۇلتتىق پورتالى.
«Mيفي» الماتىدا جانە گۋبكين اتىنداعى رەسەي مەملەكەتتىك مۇناي جانە گاز ۋنيۆەرسيتەتى اتىراۋدا ورنالاسادى.
«قورعالعان جوعارى ءونىمدى ەسەپتەۋ جۇيەلەرى»، «ەلەمەنتار بولشەكتەر فيزيكاسى جانە عارىش فيزيكاسى»، «مۇناي مەن گازدى ىزدەۋ جانە بارلاۋ»، «مۇناي جانە گاز كەن ورىندارىن يگەرۋ، پايدالانۋ جانە كەشەندى مەحانيكالاندىرۋ جانە اۆتوماتتاندىرۋ»، «مۇناي مەن گازدى تاسىمالداۋ» باعىتتارى بويىنشا كادرلاردى دايارلاۋ قازان ايىندا باستالادى. وسى باعىتتار بويىنشا كادرلار دايارلاۋعا 200 گرانت بولىنگەن.
“ادىرنا” ۇلتتىق پورتالى
