16–18 اقپان ارالىعىندا وسكەمەن قالاسىندا رەسپۋبليكالىق جاستار بەلسەندىلەرى مەكتەبى ءوتتى. اتالعان الاڭ ەلىمىزدىڭ ءار وڭىرىنەن كەلگەن جاستاردى جالپىۇلتتىق قۇندىلىقتار توڭىرەگىندە بىرىكتىرىپ، كوشباسشىلىق قابىلەتتەرىن دامىتۋعا جانە جوبالىق ويلاۋدى جەتىلدىرۋگە باعىتتالدى. ءىس-شاراعا «اسسامبلەيا جاستارى» رقب توراعاسى تيمۋر دجۋمۋرباەۆ، شقو ىشكى ساياسات باسقارماسىنىڭ باسشىسى ايدار سەرقازىنوۆيچ سادىرباەۆ، سونداي-اق قارجى، كوپشىلىك الدىندا سويلەۋ، تۋريزم جانە جاساندى ينتەللەكت سالاسىنىڭ ساراپشىلارى قاتىستى.
باعدارلاما اياسىندا جاستار جانە ەتنوسارالىق جوبالار بويىنشا TED-سەسسيا، «Smart Finance» جانە «Public Speaking» ترەنينگتەرى، AI قۇرالدارىمەن تاجىريبەلىك جۇمىس جۇرگىزىلگەن IT Hub-قا ەكسكۋرسيا، سونداي-اق ستۋدەنتتىك ءوزىن-ءوزى باسقارۋ ماسەلەلەرى بويىنشا ديالوگتىق كەزدەسۋلەر ءوتتى. مەكتەپ دەنيەل بەللاستتىڭ قاتىسۋىمەن وتكەن Leadership Talk فورماتىنداعى كەزدەسۋمەن جانە قاتىسۋشىلارعا سەرتيفيكاتتار تابىستاۋ راسىمىمەن قورىتىندىلاندى.
ءىس-شارا بارىسىندا قۇقىقتىق مادەنيەتتى قالىپتاستىرۋعا جانە «زاڭ جانە ءتارتىپ» قاعيداتىن قوعامنىڭ تۇراقتى دامۋىنىڭ، جاۋاپكەرشىلىك پەن سانالى ازاماتتىقتىڭ نەگىزى رەتىندە ىلگەرىلەتۋگە ەرەكشە نازار اۋدارىلدى. وسى تۇجىرىمدامانى ناسيحاتتاۋ اياسىندا قاتىسۋشىلارعا «اسسامبلەيا جاستارى» جاستار تەاترىنىڭ «Qutqar meni» سپەكتاكلى ۇسىنىلدى. ناشاقورلىق پەن لۋدومانيا ماسەلەلەرىن قوزعايتىن الەۋمەتتىك-درامالىق قويىلىم كورەرمەندەردى زياندى تاۋەلدىلىكتەردىڭ سالدارى مەن ومىرلىك تاڭداۋ ءۇشىن جەكە جاۋاپكەرشىلىك تۋرالى تەرەڭ ويلاندىردى. قويىلىم قورىتىندىسىندا جاستار سالاۋاتتى ءومىر سالتىن جانە زاڭعا قۇرمەتپەن قاراۋدى قولدايتىندارىن ءبىر اۋىزدان اتاپ ءوتتى.
رەسپۋبليكالىق جاستار بەلسەندىلەرى مەكتەبى وڭىرارالىق ىنتىماقتاستىقتى نىعايتۋعا جانە جاۋاپتى، باستاماشىل كوشباسشىلار بۋىنىن قالىپتاستىرۋعا باعىتتالعان ماڭىزدى الاڭعا اينالدى.
