قاراعاندى وبلىسىنىڭ بۇقار جىراۋ اۋدانىنداعى سۇلتانماحمۇت تورايعىروۆ جانە يۋري گاگارين اتىنداعى مەكتەپتەردە قورشاعان ورتانى قورعاۋعا باعىتتالعان «پلاستيكسىز ءومىر ءسۇر» ەكولوگيالىق اكتسياسى ءوتتى. ءىس-شارانى «تازا قازاقستان» رەسپۋبليكالىق ەكولوگيالىق باستاماسى اياسىندا اۋداندىق جاستار رەسۋرستىق ورتالىعىنىڭ ماماندارى ۇيىمداستىردى.
اۋداندىق جاستار رەسۋرستىق ورتالىعىنىڭ ماماندارى ۇيىمداستىردى.
كەزدەسۋ بارىسىندا وقۋشىلارعا پلاستيك قالدىقتارىنىڭ تابيعات پەن ادام دەنساۋلىعىنا تيگىزەتىن زيانى، كۇندەلىكتى ومىردە پلاستيكتى تۇتىنۋدى ازايتۋ جولدارى، قولجەتىمدى ەكولوگيالىق بالامالار جانە قايتا وڭدەۋ ەرەجەلەرى تۋرالى ايتىلدى. ينتەراكتيۆتى تاپسىرمالار ەرەكشە قىزىعۋشىلىق تۋدىردى: وندا وقۋشىلار مەكتەپتە جانە ۇيدە پلاستيكتى پايدالانۋدى ازايتۋعا قاتىستى ءوز يدەيالارىن ۇسىندى. سونىمەن قاتار دۇكەندەردە جانە تۇرعىندار اراسىندا شوپەرلەر تاراتتى.
«بۇگىن پلاستيكتەن باس تارت – ەرتەڭ وزىڭە العىس ايت!» دەگەن اكتسيا ۇيىمداستىرۋشىلارىنىڭ ۇندەۋىن وقۋشىلار مەن ولاردىڭ اتا-انالارى قولدادى.
اكتسيانىڭ نەگىزگى ماقساتى – وسكەلەڭ ۇرپاقتىڭ قورشاعان ورتاعا دەگەن جاۋاپتى كوزقاراسىن قالىپتاستىرۋ، قالدىقتاردى بولەك جيناۋ مادەنيەتىن دامىتۋ جانە وقۋشىلاردى پراكتيكالىق ەكولوگيالىق باستامالارعا تارتۋ.
مۇنداي كەزدەسۋلەر ءار ادامنىڭ تۋعان ولكەنىڭ تابيعاتىن ساقتاۋداعى جەكە جاۋاپكەرشىلىگىن تەرەڭ تۇسىنۋگە ىقپال ەتەدى.
