Qaraǧandy oblysynyŋ Būqar jyrau audanyndaǧy Sūltanmahmūt Toraiǧyrov jäne Iýrii Gagarin atyndaǧy mektepterde qorşaǧan ortany qorǧauǧa baǧyttalǧan «Plastiksız ömır sür» ekologiialyq aksiiasy öttı. Is-şarany «Taza Qazaqstan» respublikalyq ekologiialyq bastamasy aiasynda audandyq Jastar resurstyq ortalyǧynyŋ mamandary ūiymdastyrdy.
audandyq Jastar resurstyq ortalyǧynyŋ mamandary ūiymdastyrdy.
Kezdesu barysynda oquşylarǧa plastik qaldyqtarynyŋ tabiǧat pen adam densaulyǧyna tigızetın ziiany, kündelıktı ömırde plastiktı tūtynudy azaitu joldary, qoljetımdı ekologiialyq balamalar jäne qaita öŋdeu erejelerı turaly aityldy. İnteraktivtı tapsyrmalar erekşe qyzyǧuşylyq tudyrdy: onda oquşylar mektepte jäne üide plastiktı paidalanudy azaituǧa qatysty öz ideialaryn ūsyndy. Sonymen qatar dükenderde jäne tūrǧyndar arasynda şoperler taratty.
«Bügın plastikten bas tart – erteŋ özıŋe alǧys ait!» degen aksiia ūiymdastyruşylarynyŋ ündeuın oquşylar men olardyŋ ata-analary qoldady.
Aksiianyŋ negızgı maqsaty – öskeleŋ ūrpaqtyŋ qorşaǧan ortaǧa degen jauapty közqarasyn qalyptastyru, qaldyqtardy bölek jinau mädenietın damytu jäne oquşylardy praktikalyq ekologiialyq bastamalarǧa tartu.
Mūndai kezdesuler är adamnyŋ tuǧan ölkenıŋ tabiǧatyn saqtaudaǧy jeke jauapkerşılıgın tereŋ tüsınuge yqpal etedı.
