25 قازان – رەسپۋبليكا كۇنى قارساڭىندا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ جارلىعىمەن ەلىمىزدىڭ الەۋمەتتىك-ەكونوميكالىق، مادەني-رۋحاني دامۋىنا، حالىقتار اراسىنداعى دوستىق پەن ىنتىماقتاستىقتى نىعايتۋعا ەلەۋلى ۇلەس قوسقان جانە بەلسەندى قوعامدىق قىزمەت اتقارعان بىرقاتار ازامات مەملەكەتتىك ناگرادامەن ماراپاتتالدى. بۇل تۋرالى اقوردا ءمالىم ەتتى، دەپ حابارلايدى "ادىرنا".
ولاردىڭ قاتارىندا ەڭبەك ارداگەرلەرى، جۇمىسشىلار، ءوندىرىس، بيزنەس، ءبىلىم بەرۋ، عىلىم، دەنساۋلىق ساقتاۋ سالالارىنىڭ وكىلدەرى، اسكەريلەر، قۇقىق قورعاۋ ورگاندارىنىڭ قىزمەتكەرلەرى، سپورتشىلار، مادەنيەت جانە ونەر قايراتكەرلەرى بار.
ءوندىرىستى وركەندەتۋگە جانە اگروونەركاسىپ كەشەنىن دامىتۋعا زور ۇلەس قوسقانى ءۇشىن سولتۇستىك قازاقستان وبلىسىنداعى «مامبەتوۆ جانە ك» كس مەحانيزاتورى م.قاراجۇمانوۆقا، تاۋ-كەن سالاسىنداعى ايتۋلى جەتىستىگى جانە ۇزاق جىلعى ەڭبەگى ءۇشىن قاراعاندى وبلىسىنداعى «Qarmet» اق «شاحتينسكايا» شاحتاسىنىڭ ۋچاسكە باستىعى س. چەرنوبايعا «قازاقستاننىڭ ەڭبەك ەرى» اتاعى بەرىلدى.
پاۆلودار وبلىسىنداعى «گاليتسكوە» جشس ديرەكتورى ا.كاسيتسين «وتان» وردەنىمەن ماراپاتتالدى.
«باقىرشىق تاۋ-كەن ءوندىرۋ كاسىپورنى» جشس باسقارما توراعاسى ك.يساەۆ، قازاقستان جۋرناليستيكاسىنىڭ ارداگەرى س. حارچەنكو ءى دارەجەلى «بارىس» وردەنىمەن; «اقتوعاي» سۋ ەلەكتر ستانساسىنىڭ ديرەكتورى ت.بايمولداەۆ، ۇلتتىق عىلىم اكادەمياسىنىڭ اكادەميگى و.سابدەن، ەڭبەك ارداگەرى ە.تاجيەۆ، «الماتى اۋەندەرى» كونتسەرتتىك وركەسترىنىڭ باس ديريجەرى م.سەركەباەۆ جانە باسقالار ءىى دارەجەلى «بارىس» وردەنىمەن; ك.بايسەيىتوۆا اتىنداعى قازاق ۇلتتىق ونەر ۋنيۆەرسيتەتىنىڭ پروفەسسورلارى ا.الماتوۆ پەن ن.يزمايلوۆ، «اقسايگازسەرۆيس» اق حولدينگى كومپانيالار توبى ديرەكتورلار كەڭەسىنىڭ توراعاسى ت.شەكتەباەۆ، اقىن ءا.بەركەنوۆا جانە باسقالار ءىىى دارەجەلى «بارىس» وردەنىمەن ناگرادتالدى.
ەلىمىزدىڭ رۋحاني كەمەلدەنۋىنە جانە زياتكەرلىك الەۋەتىنىڭ دامۋىنا ەلەۋلى ۇلەس قوسقانى ءۇشىن بەلگىلى عالىمدارعا، مادەنيەت قايراتكەرلەرىنە جانە ءوندىرىس سالاسىنىڭ وكىلدەرىنە «پاراسات» وردەنى بەرىلدى.
"ولاردىڭ قاتارىندا «يلينسكوە» جشس ديرەكتورى ا.بۋرلەۆ، اقىن ع.جايلىباي، «مۇناي-گاز كەشەنى ارداگەرلەرى» رقب كەڭەسىنىڭ مۇشەسى ت.حاسانوۆ، قازاقستان جۋرناليستيكاسىنىڭ ارداگەرى ە.برۋسيلوۆسكايا، شىعىس قازاقستان وبلىستىق اۋرۋحاناسىنىڭ ءبولىم مەڭگەرۋشىسى م.باشاباەۆ جانە باسقالارى بار", — دەلىنگەن حابارلامادا.
بەيبىتشىلىكتى، حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ۇلەسى ءۇشىن «Social theater-Camogli» (يتاليا) تەاترىنىڭ كوركەمدىك جەتەكشىسى اكۆاۆيۆا دجۋزەپپە ءىى دارەجەلى «دوستىق» وردەنىنە لايىق دەپ تانىلدى.
«قۇرمەت» وردەنىمەن ماراپاتتالعانداردىڭ قاتارىندا استاناداعى № 3 قالالىق بالالار اۋرۋحاناسىنىڭ باس دارىگەرى م.ابدۋوۆ، «قۇمقۇدىق» جشس باس ينجەنەرى ب.ايتجان، «QazaqGaz Aimaq» الماتى وندىرىستىك فيليالىنىڭ سلەسارى گ.جاسىباەۆا، ۇلتتىق يادرولىق ورتالىقتىڭ لابورانتى يۋ.كارياگين، ورتالىق مەملەكەتتىك ءارحيۆتىڭ ديرەكتورى س. شىلدەباي، اكتريسا گ.دۋسماتوۆا، «التەرناتيۆا» وزەكتى زەرتتەۋلەر ورتالىعىنىڭ ديرەكتورى ا.چەبوتارەۆ جانە باسقالارى بار.
ۇلت بىرلىگىن نىعايتۋ جانە قوعامدىق كەلىسىمدى قامتاماسىز ەتۋ جولىنداعى جەمىستى ەڭبەگى ءۇشىن «ەل بىرلىگى» وردەنىمەن «احىسكا» تۇرىك ەتنومادەني ورتالىعىنىڭ شىمكەنت قالاسى فيليالىنىڭ توراعاسى ل.اسانوۆ، پاۆلودار وبلىسى بويىنشا ورىس، سلاۆيان جانە كازاك ۇيىمدارى قاۋىمداستىعىنىڭ توراعاسى ۆ.بەركوۆسكي، «ۆوزروجدەنيە» قازاقستان نەمىستەرى بىرلەستىگى قامقورشىلار كەڭەسىنىڭ توراعاسى ە.بولگەرت، «تاڭ» تاتار-باشقۇرت ەتنومادەني ورتالىعىنىڭ توراعاسى ر.ۆاليەۆ، «دۋستليك» وزبەك ەتنومادەني بىرلەستىكتەرىنىڭ قاۋىمداستىعى توراعاسىنىڭ ورىنباسارى ا.يسماتۋللاەۆ ماراپاتتالدى.
ونەركاسىپ، كولىك، قۇرىلىس، اۋىل شارۋاشىلىعى جانە باسقا دا وندىرىستىك سالالاردىڭ ەڭبەككەرلەرى III دارەجەلى «ەڭبەك داڭقى» وردەنىنىڭ كاۆالەرى اتاندى.
«قازاقستاننىڭ ەڭبەك سىڭىرگەن قايراتكەرى» قۇرمەتتى اتاعى مادەنيەت سالاسىنىڭ كورنەكتى وكىلدەرى ز.التىنباەۆاعا، ءا.التىنبەككە، ن.جمەرەنەتسكاياعا، ب.قاجىباەۆقا، بەلگىلى كاسىپكەر، قوعام قايراتكەرى ي.ساۋەرگە جانە تاعى دا باسقالارعا بەرىلدى.
«قازاقستاننىڭ حالىق جازۋشىسى» اتاعىنا اقىن م.ايتقوجا، جازۋشى ع.قابىشۇلى، «قازاقستاننىڭ حالىق ءارتىسى» اتاعىنا مۋزىكا، تەاتر جانە كينو ونەرىنىڭ كورنەكتى قايراتكەرلەرى ب.ءابدىلمانوۆ، م.وتەكەشوۆا، ا.جايىموۆ، ت.جانقۇل، ش. جانىسبەكوۆا، ب.يبراەۆ، ك.قازاقباەۆا، ر.ماشۋروۆا لايىق دەپ تانىلدى.
دەنساۋلىق ساقتاۋ جانە عىلىم سالاسىنىڭ بىرقاتار وكىلى «قازاقستاننىڭ ەڭبەك سىڭىرگەن دارىگەرى» جانە «قازاقستاننىڭ ەڭبەك سىڭىرگەن عىلىم جانە تەحنيكا قايراتكەرى» قۇرمەتتى اتاقتارىنا يە بولدى.
«قازاقستان رەسپۋبليكاسىنىڭ گيدروگەولوگيالىق كارتالار اتلاسىنىڭ» قۇراستىرۋشىلارى م.ابسامەتوۆكە، ر.ايازباەۆقا، ە.كولدەەۆكە، ە.مۇرتازينگە، ۆ.سموليارعا، سونداي-اق ءتۇستى مەتاللۋرگياداعى ەكولوگيالىق قاۋىپسىزدىك جونىندەگى زەرتتەۋلەردىڭ اۆتورلارى ب.كەنجاليەۆكە، ۆ.ۆولودينگە، ە.وسپانوۆقا، س. ترەبۋحوۆقا، ا.شاحالوۆقا قازاقستان رەسپۋبليكاسىنىڭ ءال-فارابي اتىنداعى عىلىم مەن تەحنيكا سالاسىنداعى مەملەكەتتىك سىيلىعى بەرىلدى.
سونىمەن قاتار بەلگىلى ارحەولوگ ز.ساماشەۆ، تاريحشى م.-ا.سىدىقنازاروۆ قازاقستان رەسپۋبليكاسىنىڭ ا.بايتۇرسىنۇلى اتىنداعى گۋمانيتارلىق عىلىمدار سالاسىنداعى مەملەكەتتىك سىيلىعىنىڭ لاۋرەاتى اتاندى.
اسكەري جانە قىزمەتتىك بورىشىن ۇلگىلى اتقارعانى، زاڭدىلىق پەن قۇقىقتىق ءتارتىپتى قامتاماسىز ەتۋ، ۇلتتىق قاۋىپسىزدىكتى نىعايتۋ كەزىندە كورسەتكەن ەرلىگى مەن جانقيارلىعى ءۇشىن اسكەري قىزمەتشىلەر مەن قۇقىق قورعاۋ ورگاندارى وكىلدەرىنىڭ ءبىر توبى ءىى دارەجەلى «داڭق» وردەنىمەن، I, ءىى، ءىىى دارەجەلى «ايبىن» وردەنىمەن، «ەرلىگى ءۇشىن» جانە «جاۋىنگەرلىك ەرلىگى ءۇشىن» مەدالدارىمەن ماراپاتتالدى.
ايتا كەتەرلىك جايت، جۇمىسشى ماماندىقتارى جىلىنا وراي رەسپۋبليكا كۇنى قارساڭىندا ەڭبەك اۋلەتتەرىنىڭ 138 وكىلى، ونەركاسىپ، كولىك، قۇرىلىس، اۋىل شارۋاشىلىعى جانە باسقا دا سالالاردىڭ 500-گە جۋىق جۇمىسشىسى مەن ەڭبەككەرى، شاعىن جانە ورتا بيزنەستىڭ 200-گە جۋىق وكىلى، 130-دان استام ۇستاز بەن عالىم، 100-دەن اسا مەديتسينا قىزمەتكەرى جانە كۇندەلىكتى ەڭبەگىمەن ەل دامۋىنا ۇلەس قوسىپ جۇرگەن باسقا دا ازاماتتار مەملەكەتتىك ناگرادالارعا يە بولدى.
