Memleketter basşylary Qazaqstan-Resei san qyrly qarym-qatynasynyŋ qazırgı jai-küiı men damu perspektivasyn dostyq ärı özara senım sipatynda talqylady.
Prezidentter joǧary deŋgeide qol jetkızılgen uaǧdalastyqtardyŋ däiektı türde jüzege asyrylyp jatqanyn atap öttı.
Sondai-aq mädeni-gumanitarlyq bailanystardy tereŋdetu jūmystaryna oŋ baǧa berıp, bırlesken ǧylymi-bılım beru bastamalaryn ılgerıletudıŋ maŋyzyna toqtaldy.
Qasym-Jomart Toqaev Vladimir Putindı Qazaqstanǧa memlekettık saparmen keluge şaqyrǧanyn taǧy da rastady.
Äŋgımelesu barysynda taraptar halyqaralyq jäne öŋırlık kün tärtıbındegı mäseleler jönınde pıkır almasty.
Aita ketsek, būǧan deiın Mäskeu men Astana 2026 jyly Resei prezidentı Vladimir Putinnıŋ Qazaqstanǧa saparynyŋ merzımın talqylap jatqanyn habarladyq. Ony Reseidıŋ Qazaqstandaǧy elşısı Aleksei Borodavkin mälımdegen bolatyn.
