ۋكراينانىڭ قورعانىس جانە ۇلتتىق قاۋىپسىزدىك كەڭەسىنىڭ حاتشىسى الەكسەي دانيلوۆ كوپۇلتتى رەسەيدىڭ ىدىراپ كەتەتىنىن مالىمدەدى.
دانيلوۆ ءوز پىكىرىن رەسەي كوپ ۇلتتى ەل ەكەندىگىمەن، بارلىق حالىقتار ءبىر-بىرىنەن بولەك ءومىر ءسۇرىپ، تاۋەلسىز بولۋ تيىستىگىمەن ءتۇسىندىردى. "رەسەي قازىرگى قالىپتى ساقتاپ تۇرا المايدى. ول ىدىراپ تىنادى" دەدى ول.
دانيلوۆ ۇنەمى رەسەي تۋرالى كۇماندى مالىمدەمەلەر جاسايدى. ناۋرىزدا ول ورىس ءتىلىنىڭ قولدانىلۋى ۋكراينانىڭ ومىرىنە قاۋىپ توندىرەتىندىگىن ايتقان. كەيىنىرەك دانيلوۆ رەسەيدى قارا تەڭىزدى «كول» ەتكىسى كەلەدى دەپ ايىپتادى. ول سونىمەن بىرگە فرانتسيا مەن گەرمانيانى بىرنەشە رەت قىرىمنىڭ رەسەيگە ءوتىپ كەتۋىنە كىنالادى.
"ادىرنا" ۇلتتىق پورتالى
