قازاقستاندا پارلامەنت سەناتىنىڭ دەپۋتاتتىعىنا كانديداتتاردى تىركەۋ اياقتالدى. سەنات دەپۋتاتتارىنىڭ 20 مانداتىنا ۇسىنىلعان 130 ۇمىتكەردىڭ 66 كانديداتى تىركەلدى، دەپ حابارلايدى “ادىرنا” ۇلتتىق پورتالى.
سەنات دەپۋتاتىنىڭ ءبىر مانداتىنا ءۇش كانديدات ۇمىتكەر.
"قر پارلامەنتى سەناتى دەپۋتاتتارىنىڭ كەزەكتى سايلاۋىن دايىنداۋ جانە وتكىزۋ جونىندەگى نەگىزگى ءىس-شارالاردىڭ كۇنتىزبەلىك جوسپارىنا سايكەس، 24 جەلتوقسان كۇنى ساعات 18.00-دە كانديداتتاردى تىركەۋ اياقتالدى", – دەپ مالىمدەدى ورتالىق سايلاۋ كوميسسياسى.
66 ۇمىتكەردىڭ 63-ءى (95,5%) ءوزىن-ءوزى ۇسىنعان، تەك ۇشەۋىن (4,5%) ءماسليحات ۇسىندى.
تىركەلگەن ۇمىتكەرلەردىڭ ىشىندە 46 ەر ادام جانە 20 ايەل بار. ءتورت كانديدات – سەناتتىڭ قازىرگى دەپۋتاتتارى، 15-ءى – مەملەكەتتىك ۇيىمداردىڭ، كاسىپورىندار مەن مەكەمەلەردىڭ قىزمەتكەرلەرى، 29-ى – مەملەكەتتىك قىزمەتكەرلەر، 13-ءى – كوممەرتسيالىق قۇرىلىمداردىڭ قىزمەتكەرلەرى، بەسەۋى – قوعامدىق ۇيىمداردىڭ وكىلدەرى.
ۇمىتكەرلەردىڭ ورتاشا جاسى – 51,8 جاس.
جامبىل وبلىسى مەن الماتىدا كانديداتتار كوپ تىركەلدى، ءار ايماقتا بەس كانديداتتان. اباي جانە تۇركىستان وبلىستارىندا ءتورت كانديدات تىركەلگەن. قالعان 15 وبلىستا جانە شىمكەنتتە ءۇش ۇمىتكەر تىركەلگەن.
ورتا ەسەپپەن بىر مانداتقا ءۇش كانديدات ءۇمىتتى.
كانديداتتاردى تىركەۋ مەرزىمى اياقتالعان ساتتەن باستاپ سايلاۋ الدىنداعى ۇگىت باستالدى، ول 2023 جىلعى 13 قاڭتاردا ساعات 00.00-دە اياقتالادى.
سايلاۋ 14 قاڭتاردا وتەدى.
