بۇگىن، 9 اقپان تاڭەرتەڭ اقتوبە قالاسىنىڭ الماتى اۋدانىنداعى جەكە تۇرعىن ۇيدەن ايەل ادام مەن ونىڭ ءۇش كامەلەتكە تولماعان بالاسىنىڭ ءمايىتى تابىلدى، دەپ حابارلايدى "ادىرنا".
قالا اكىمدىگىنىڭ مالىمەتىنشە، قايعىلى جاعداي گاز جابدىعىن دۇرىس پايدالانباۋ سالدارىنان تابيعي گازدان ۋلانۋ ناتيجەسىندە ورىن العان. قازىرگى ۋاقىتتا وقيعانىڭ ناقتى سەبەپتەرى مەن ءمان-جايلارى انىقتالۋدا.
"اقتوبە وبلىسىنىڭ اكىمى جاعدايدى جان-جاقتى زەردەلەۋ ءۇشىن ارنايى كوميسسيا قۇرىۋدى تاپسىردى. كوميسسيانى اقتوبە قالاسىنىڭ اكىمى ازامات بەكەت باسقارادى. ۋاكىلەتتى ورگاندارمەن بىرلەسىپ، كوميسسيا تەكسەرۋ جۇرگىزىپ، تەرگەۋ قورىتىندىسى بويىنشا قاجەتتى شارالار قابىلدايدى", – دەلىنگەن اكىمدىك حابارلاماسىندا.سونداي-اق، جەرگىلىكتى اتقارۋشى ورگاندار جەرلەۋ ءراسىمىن ۇيىمداستىرۋعا كومەكتەسىپ، قاجەتتى قولداۋ كورسەتەتىنىن مالىمدەدى.
اقتوبە قالالىق پوليتسيا دەپارتامەنتىنىڭ ناقتىلاۋىنشا، قازا تاپقاندار ساعات 12:00 شاماسىندا انىقتالعان، ايەل ادام 1993 جىلى تۋعان.
"الدىن الا مالىمەتتەرگە سايكەس، تراگەديانىڭ سەبەبى تابيعي گازدان ۋلانۋ بولۋى مۇمكىن. وسى دەرەك بويىنشا سوتقا دەيىنگى تەرگەپ-تەكسەرۋ باستالدى. وقيعانىڭ بارلىق ءمان-جايىن جان-جاقتى ءارى وبەكتيۆتى انىقتاۋعا باعىتتالعان تەرگەۋ جانە پروتسەسسۋالدىق شارالار جۇرگىزىلۋدە. قورىتىندى شەشىم ساراپتامالار ناتيجەسى بويىنشا قابىلدانادى. پوليتسيا ازاماتتاردى تەك رەسمي اقپارات كوزدەرىنە سەنۋگە جانە تەكسەرىلمەگەن مالىمەتتەردى تاراتپاۋعا شاقىرادى", – دەپ حابارلادى پوليتسيا وكىلدەرى.ەسكە سالا كەتەيىك، 5 اقپاندا الماتى وبلىسىنداعى قىستاقتان ءبىر وتباسىنىڭ ءتورت مۇشەسىنىڭ ءمايىتى تابىلعان . ولاردىڭ ءولىم سەبەپتەرىن انىقتاۋ ءۇشىن سوت-مەديتسينالىق ساراپتاما تاعايىندالعان بولاتىن.
ۇقساس جاڭالىقتار
