Bügın, 9 aqpan taŋerteŋ Aqtöbe qalasynyŋ Almaty audanyndaǧy jeke tūrǧyn üiden äiel adam men onyŋ üş kämeletke tolmaǧan balasynyŋ mäiıtı tabyldy, dep habarlaidy "Adyrna".
Qala äkımdıgınıŋ mälımetınşe, qaiǧyly jaǧdai gaz jabdyǧyn dūrys paidalanbau saldarynan tabiǧi gazdan ulanu nätijesınde oryn alǧan. Qazırgı uaqytta oqiǧanyŋ naqty sebepterı men män-jailary anyqtaluda.
"Aqtöbe oblysynyŋ äkımı jaǧdaidy jan-jaqty zerdeleu üşın arnaiy komissiia qūryudy tapsyrdy. Komissiiany Aqtöbe qalasynyŋ äkımı Azamat Beket basqarady. Uäkılettı organdarmen bırlesıp, komissiia tekseru jürgızıp, tergeu qorytyndysy boiynşa qajettı şaralar qabyldaidy", – delıngen äkımdık habarlamasynda.Sondai-aq, jergılıktı atqaruşy organdar jerleu räsımın ūiymdastyruǧa kömektesıp, qajettı qoldau körsetetının mälımdedı.
Aqtöbe qalalyq polisiia departamentınıŋ naqtylauynşa, qaza tapqandar saǧat 12:00 şamasynda anyqtalǧan, äiel adam 1993 jyly tuǧan.
"Aldyn ala mälımetterge säikes, tragediianyŋ sebebı tabiǧi gazdan ulanu boluy mümkın. Osy derek boiynşa sotqa deiıngı tergep-tekseru bastaldy. Oqiǧanyŋ barlyq män-jaiyn jan-jaqty ärı obektivtı anyqtauǧa baǧyttalǧan tergeu jäne prosessualdyq şaralar jürgızılude. Qorytyndy şeşım saraptamalar nätijesı boiynşa qabyldanady. Polisiia azamattardy tek resmi aqparat közderıne senuge jäne tekserılmegen mälımetterdı taratpauǧa şaqyrady", – dep habarlady polisiia ökılderı.Eske sala keteiık, 5 aqpanda Almaty oblysyndaǧy qystaqtan bır otbasynyŋ tört müşesınıŋ mäiıtı tabylǧan . Olardyŋ ölım sebepterın anyqtau üşın sot-medisinalyq saraptama taǧaiyndalǧan bolatyn.
Ūqsas jaŋalyqtar
