سوتتالعان اقتوبەلىك ەر ازامات كولونيادان اناسىمەن كەزدەسۋ ءۇشىن قاشىپ كەتتى، - دەپ حابارلايدى " ادىرنا" ءتىلشىسى Diapason باسىلىمىنا سىلتەمە جاساپ.
36 جاستاعى اقتوبە تۇرعىنى اۋىر قىلمىس جاساعانى ءۇشىن سەگىز جىلعا سوتتالعان، ول قالعان مەرزىمىن كولونيادا وتەيدى. ول جەردە ول جۇمىسقا شىعىپ، كەشكە قايتادى.
بىردە ونىڭ كولونيادان قاشىپ كەتكەنى بايقالادى. ول اۋىلدا اپكەسىمەن بىرگە ۇستالدى. قاشۋ فاكتىسى بويىنشا قىلمىستىق ءىس قوزعالدى.
سوتتا ەر ادام اناسىنىڭ اۋىر دەرتكە شالدىققانىن بىلگەنىن ايتتى. ول شۇبارقۇدىق اۋىلىندا تۇرادى، ول كولونيا باسشىلىعىنان وعان بارۋعا مۇمكىندىك بەرۋىن وتىنگەن، بىراق ونىڭ نيەتىن قۇپتاماعان. اقىرىندا ول قاشۋعا بەل بۋدى. اقتوبەدە ءبىر تاۋلىككە پاتەر جالداپ، كەيىن اۋىلعا اناسىنا بارادى، سودان كەيىن اپكەسىنە بارىپ، سوندا ۇستالدى.
بۇرىنعى قىلمىسى ءۇشىن ونىڭ جازاسىن وتەۋىنە نەبارى 4 اي قالعان بولاتىن، بىراق سوت ونى قاشىپ كەتكەنى ءۇشىن تاعى ءبىر جىلعا باس بوستاندىعىنان ايىردى. كولونيا-قونستاننان ول قىلمىستىق-اتقارۋ جۇيەسىنىڭ قاۋىپسىزدىگى بارىنشا جوعارى مەكەمەسىنە اۋىستىرىلادى.
"ادىرنا" ۇلتتىق پورتالى
