قىتايدىڭ سولتۇستىگىندەگى شانسي پروۆينتسياسىندا بيوتەحنولوگيالىق كومپانيانىڭ شەبەرحاناسىندا بولعان جارىلىس بولدى. سالدارىنان 5 ادام قازا تاپتى. بۇل تۋرالى انادولى جازدى، دەپ حابارلايدى "ادىرنا".
جارىلىستىڭ سەبەبى ازىرگە بەلگىسىز، تەرگەۋ جۇرگىزىلىپ جاتىر.
اقپاراتقا سايكەس، جارىلىس تاڭەرتەڭ شۋوتسزوۋ قالاسىنا قاراستى شانين ۋەزىندە ورنالاسقان Jiapeng كومپانياسىنىڭ شەبەرحاناسىندا بولعان.
ىزدەۋ-قۇتقارۋ توپتارى جارىلىس كەزىندە شەبەرحانادا جۇمىس ىستەپ جۇرگەن بەس ادامنىڭ ءمايىتىن تاپتى.
جارىلىستىڭ ناقتى سەبەبى ءالى انىقتالعان جوق، وقيعا بويىنشا تەرگەۋ باستالدى.
قىتايدا وندىرىستىك جانە قويما نىساندارىندا ينفراقۇرىلىمنىڭ توزۋى نەمەسە قاۋىپسىزدىك شارالارىنىڭ جەتكىلىكسىزدىگى سالدارىنان كەيدە ادام ولىمىنە اكەلەتىن اپات بولىپ تۇرادى.
سوڭعى رەت 18 قاڭتاردا قىتايدىڭ سولتۇستىگىندەگى ىشكى موڭعوليا اۆتونوميالىق اۋدانىنداعى باوتوۋ قالاسىندا Baogang United Steel مەملەكەتتىك كومپانياسىنا تيەسىلى زاۋىتتا بولعان جارىلىس ناتيجەسىندە 10 جۇمىسشى قازا تاپقان ەدى.
