قىتاي مەن يران ساياسي-ديپلوماتيالىق، ساياسي-ەكونوميكالىق، قورعانىس سالاسى مەن مادەنيەت سالا بويىنشا 20 ءتۇرلى باعىتتا 25 جىلعا ۇزاق مەرزىمدى ستراتەگيالىق سەرىكتەستىككە قول قويدى. بۇل جايىندا INTERFAX پورتالى حابارلادى. رەسمي كەزدەسۋ يراننىڭ استاناسى تەگەرەندا ءوتتى. وندا يران مەن قىتايدىڭ ءسىم دجاۆاد زاريف پەن ۆان ي كەزدەسىپ، ستراتەگيالىق ارىپتەستىك جونىندەگى قۇجاتتاردى بەكىتتى.
يران مەن قىتايدىڭ جاقىن ارىپتەستىگى رەسەيدىڭ دە كارى قۇرلىقتاعى ساياسي ءارى اسكەري ىقپالىن قۇلاتۋعا سەبەپشى بولىپ وتىر. يران كەشە عانا رەسەيدىڭ بومبالاۋشى ۇشاقتارىن ساتىپ الۋدان باس تارتىپ، قىتايدىڭ Chengdu J-10 بومبالاۋشى ۇشاعىن الۋعا قىزىعۋشىلىق تانىتۋدا. مۇنى Avia اگەنتتىگى حابارلادى. سونىمەن قاتار قىتاي تاراپى يرانعا كوروناۆيرۋسقا قارسى ۆاكتسيناسىن دا ساتاتىن بولدى.
وسى جىلى يران سانكتسيالاردان بوساتىلعاندا رەسەي يرانعا ءوزىنىڭ بومبالاۋشى ۇشاقتارىن ساتاتىن بولىپ كەلىسكەن. بىراق رەسەيدىڭ بۇل ويى ىسكە اسپادى. ال، يران بولسا قىتايدىڭ Chengdu J-10 بومبالاۋشى ۇشاعىنىڭ 36 داناسىن ساتىپ الىپ، قىتايعا ءوزىنىڭ مۇنايىن ەكسپورتتايتىن بولىپ كەلىستى. وسى جولى ءبىر ديكتاتور ەكىنشى ديكتاتوردى ماڭىنا تارتىپ، ءۇشىنشى ديكتاتوردى ىعىستىردى.
حالىقارالىق ساياسي ارەنادا قازىر رەسەيدىڭ جاقتاۋشىسى دا، ماقتاۋشىسى دا جوق، جالعىز ءوزى قالدى. ساياسي مادەنيەتتەن ماھرۇم جيرينوۆسكيلەرىن سايراتىپ قويۋدى ماقتان كورەتىن پۋتيننەن ەندى سي تسزينپي مەن حاسان رۋحاني سياقتى ديكتاتورلار دا الىستاپ بارا جاتقان سياقتى.
بەكبولات قارجان،
"ادىرنا" ۇلتتىق پورتالى
