ورالداعى جارىلىس بولعان ءدامحانانى جالعا العان كاسىپكەر قاماۋعا الىندى. بۇل تۋرالى وبلىستىق پروكۋراتۋرانىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
كۇدىكتىگە ەكى جانە ودان دا كوپ ادامنىڭ ولىمىنە اكەپ سوقتىرعان ءورت قاۋىپسىزدىگى ەرەجەلەرىن بۇزدى دەگەن ايىپ تاعىلىپ، سوتقا دەيىنگى تەرگەۋدى باستالدى. كاسىپكەر ۋاقىتشا ۇستاۋ يزولياتورىنا قامالدى. جەدەل تەرگەۋ توبى قاجەتتى ساراپتامالاردى تاعايىندادى.
ەسكە سالا كەتەيىك، ءتورت كۇن بۇرىن ورالدا ءدامحانادا گاز قوسپاسى جارىلىپ، عيمارات ورتەنگەن بولاتىن. سالدارىنان ءۇش ادام قازا تاۋىپ، التى ادام جاراقاتتانعان بولاتىن.
ۇقساس جاڭالىقتار
