سونىمەن قاتار، قابىلدانعان زاڭعا سايكەس، ەل اۋماعىنداعى ونلاين-پلاتفورمالاردا قۇقىققا قايشى كونتەنتتى ورنالاستىرۋعا جانە تاراتۋعا تىيىم سالىنادى. زاڭنىڭ باستى ەرەكشەلىگى - مەملەكەتتىك ءتىلدى مىندەتتەۋىندە:
قۇقىقتىق قۇجاتتاعى ەڭ باستى جاڭالىق الەۋمەتتىك جەلىلەردەگى ونلاين پلاتفورمالار ينتەرفەيستەرىنە مەملەكەتتىك ءتىلدى ەنگىزۋگە مىندەتتى. بلوگەرلەر كونتەنتتى قازاق تىلىنە اۆتوماتتى تۇردە اۋدارۋ مۇمكىندىگىن جاساۋى ءتيىس.
سونداي-اق، قازاقستان رەسپۋبليكاسى زاڭناماسىنىڭ بۇزىلۋىنا جول بەرمەۋ ماقساتىندا قازاق تىلىندەگى كونتەنتتى مودەراتسيالاۋ كەرەك.
مۇنىمەن قوسا العاندا، ەل اۋماعىنىڭ تۇتاستىعىنا شەك كەلتىرىپ، مەملەكەتتىك قاۋىپسىزدىگىنە كۇمان كەلتىرەتىندەر، ادامدى ەتنيكالىق ەرەكشەلىكتەرىنە قاراي ءبولىپ-جاراتىندار قاتاڭ جازالانادى. سونىمەن قاتار:
"قازاقستان رەسپۋبليكاسىنىڭ كونستيتۋتسيالىق قۇرىلىسىن كۇشتەپ وزگەرتۋدى، ونىڭ تۇتاستىعىن بۇزۋدى، مەملەكەت قاۋىپسىزدىگىنە نۇقسان كەلتىرۋدى، سوعىستى، الەۋمەتتىك، ناسىلدىك، ۇلتتىق، ءدىني، تەكتىك-توپتىق جانە رۋلىق استامشىلىقتى، قاتىگەزدىك پەن زورلىق-زومبىلىققا باس ۇرۋدى، ءسۋيتسيدتى، پورنوگرافيانى، ەسىرتكى، پسيحوتروپتىق زاتتاردى، سول تەكتەستەردى جانە پرەكۋرسورلاردى، سەپاراتيزم يدەيالارىن، الاياقتىقتى، ۇلتارالىق جانە كونفەسسياارالىق تاتۋلىقتى بۇزاتىن اقپاراتتى ۇندەۋ، ناسيحاتتاۋ نەمەسە ۇگىتتەۋ، سونداي-اق قازاقستان رەسپۋبليكاسىنىڭ مەملەكەتتىلىگىنە جانە اۋماقتىق تۇتاستىعىنا كۇمان كەلتىرەتىن مالىمدەمەلەر، مەملەكەتتىك قۇپيالاردى نەمەسە زاڭمەن قورعالاتىن وزگە دە قۇپيانى اشاتىن اقپارات جانە قازاقستان رەسپۋبليكاسىنىڭ زاڭدارىندا تىيىم سالىنعان وزگە دە اقپارات قۇقىققا قايشى كونتەنت سانالادى" دەلىنگەن زاڭ ماتىنىندە.
زاڭمەن بىرگە اكىمشىلىك كودەكسكە دە جاڭا باپ ەنگىزىلدى. قۇجاتتا جالعان اقپارات تاراتۋ ماسەلەسى قاراستىرىلعان:
"ول ونلاين-پلاتفورمالار ارقىلى جالعان اقپاراتتى تاراتۋ ءۇشىن جاۋاپكەرشىلىكتى كوزدەيدى. ماسەلەن، 20 اەك-كە دەيىن ايىپپۇل قاراستىرىلادى (69 000 تەڭگە). ەگەر ءبىر جىل ىشىندە ادام جالعان اقپارات تاراتۋ فاكتىسىنە قايتا جول بەرسە، وندا ول 10 تاۋلىككە دەيىن اكىمشىلىك قاماۋعا الىنىنادى نەمەسە 40 اەك (138 000 تەڭگە) ايىپپۇل تولەۋى ءتيىس", دەلىنگەن قۇجاتتا.
