تاراز قالاسىنداعى «قازفوسفات» جشس قۇرامىنا كىرەتىن كاسىپورىنداردا ەكى بىردەي وندىرىستىك وقيعا تىركەلىپ، سالدارىنان ەكى جۇمىسشى كوز جۇمدى، دەپ حابارلايدى “ادىرنا” ۇلتتىق پورتالى.
العاشقى قايعىلى جاعداي 29 قاڭتار كۇنى جاڭا جامبىل فوسفور زاۋىتىنىڭ №5 تسەحىندا بولعان. جۇمىس بارىسىندا پەشتەن ىستىق شلاك سىرتقا اتقىلاپ، سارى فوسفور وندىرۋمەن اينالىسقان ەكى اپپاراتشى مەن ءبىر سلەسار كۇيىك جاراقاتىن العان. ۇشەۋى دە قالالىق كوپسالالى اۋرۋحاناعا جەتكىزىلگەن. اۋىر حالدە جانساقتاۋ بولىمىنە تۇسكەن اپپاراتشىلاردىڭ ءبىرى العان جاراقاتتارىنان كوز جۇمدى.
ەكىنشى وقيعا مينەرالدى تىڭايتقىشتار زاۋىتىندا ورىن العان. كۋاگەرلەردىڭ ايتۋىنشا، جۇك كولىگىنىڭ جۇرگىزۋشىسى اۆتوكولىك بورتىنا جۇكتi بەكىتىپ جاتقان ساتتە ارتقا قوزعالىپ كەلە جاتقان بەلاز كارەرلىك ساموسۆالى ونى قاعىپ كەتكەن. ەر ادام وقيعا ورنىندا قازا تاپقان.
اتالعان دەرەكتەر بويىنشا پوليتسيا قر قىلمىستىق كودەكسىنىڭ 345-بابىنىڭ 3-بولىگىمەن سوتقا دەيىنگى تەرگەپ-تەكسەرۋ جۇمىستارىن باستادى. بۇل باپ بەس جىلعا دەيىن باس بوستاندىعىنان ايىرۋ جازاسىن قاراستىرادى.
قازىرگى ۋاقىتتا كومپانيا تاراپىنان رەسمي تۇسىنىكتەمە بەرىلگەن جوق.
