توتەنشە جاعدايلار ءمينيسترى شىڭعىس ءارىنوۆ سۋ تاسقىنى كەزىندە ادام شىعىنى بولماعانىن ايتتى ، دەپ حابارلايدى Adyrna.kz ۇلتتىق پورتالى.
ۇكىمەت وتىرىسىنان كەيىن جۋرناليست مينيستردەن «بيىل قازاقستاندا كۇتپەگەن جەردەن سۋ تاسقىنى بولدى. كەلەر جىلعى جاعدايعا دايىنسىزدار ما؟ الدىن الا قانداي شارالار جاسايسىزدار؟» دەپ سۇرادى.
«كەلەسى جىلعا دايىنبىز دەپ ايتا الامىن. دايىندىق ءجۇرىپ جاتىر. جەرگىلىكتى اكىمدىكتەرمەن بىرىگىپ ءتيىستى جۇمىستار اتقارىلىپ جاتىر. بۇل ۇلكەن تاجىريبە بولدى. ءوزىڭىز كورگەندەي اتقارىلعان شارالاردىڭ ارقاسىندا ادام شىعىنى بولعان جوق. 120 مىڭنان استام ادام قۇتقارىلىپ ەۆاكۋاتسيالاندى. جاسالعان جۇمىستاردىڭ ارقاسىندا كوپتەگەن ۇيلەر مەن مەكەمەلەرگە سۋ كىرگەن جوق»، – دەدى مينيستر.
سونداي-اق ءجۋرناليستىڭ «ادام شىعىنى بولعان جوق دەدىڭىز. بىراق اباي وبلىسىندا تراكتوردىڭ ۇستىندە وتىرعان ەكى ازامات جانە. قۇلسارىدا اكەلى-بالالى ازاماتتار سۋعا كەتتى. ولار ادام شىعىنىنا جاتپاي ما؟» دەگەن سۇراعىنا مينيستر «مەن تىكەلەي سۋ تاسقىنى سالدارىنان بولعانداردى ايتىپ جاتىرمىن» دەپ قىسقا جاۋاپ بەردى.
