Taraz qalasyndaǧy «Qazfosfat» JŞS qūramyna kıretın käsıporyndarda ekı bırdei öndırıstık oqiǧa tırkelıp, saldarynan ekı jūmysşy köz jūmdy, dep habarlaidy “Adyrna” ūlttyq portaly.
Alǧaşqy qaiǧyly jaǧdai 29 qaŋtar künı Jaŋa Jambyl fosfor zauytynyŋ №5 sehynda bolǧan. Jūmys barysynda peşten ystyq şlak syrtqa atqylap, sary fosfor öndırumen ainalysqan ekı apparatşy men bır slesar küiık jaraqatyn alǧan. Üşeuı de qalalyq köpsalaly auruhanaǧa jetkızılgen. Auyr halde jansaqtau bölımıne tüsken apparatşylardyŋ bırı alǧan jaraqattarynan köz jūmdy.
Ekınşı oqiǧa mineraldy tyŋaitqyştar zauytynda oryn alǧan. Kuägerlerdıŋ aituynşa, jük kölıgınıŋ jürgızuşısı avtokölık bortyna jükti bekıtıp jatqan sätte artqa qozǧalyp kele jatqan BelAZ karerlık samosvaly ony qaǧyp ketken. Er adam oqiǧa ornynda qaza tapqan.
Atalǧan derekter boiynşa polisiia QR Qylmystyq kodeksınıŋ 345-babynyŋ 3-bölıgımen sotqa deiıngı tergep-tekseru jūmystaryn bastady. Būl bap bes jylǧa deiın bas bostandyǧynan aiyru jazasyn qarastyrady.
Qazırgı uaqytta kompaniia tarapynan resmi tüsınıkteme berılgen joq.
