استانانىڭ «ارىستان» تۇرعىن ءۇي كەشەنىندە ليفت قۇلادى، دەپ حابارلايدى "ادىرنا" ۇلتتىق پورتالى.
سالدارىنان ءبىر ادام قازا تاۋىپ، ەكى ادام جاراقات الدى. قايعىلى وقيعا مۇقان تولەباەۆ كوشەسى، 5 مەكەنجايىندا بولدى.
دەنساۋلىق ساقتاۋ باسقارماسىنىڭ مالىمەتىنشە، اپات جەدەل ساتىنى جوندەۋ جۇمىستارى كەزىندە ورىن العان.
ءبىر ليفت قىزمەتكەرى وقيعا ورنىندا قازا تاپقان. تاعى ەكى قىزمەتكەر اۋرۋحاناعا جەتكىزىلدى. ولاردىڭ بىرەۋى ورتاشا اۋىرلىقتاعى جاراقاتپەن، ەكىنشىسى اۋىر جاعدايدا اۋرۋحاناعا جەتكىزىلگەن.
پوليتسيا دەپارتامەنتىنىڭ حابارلاۋىنشا، وقيعا بويىنشا ادام ولىمىنە اكەپ سوققان ەڭبەك قاۋىپسىزدىگى ەرەجەلەرىن بۇزۋ فاكتىسى بويىنشا قىلمىستىق ءىس قوزعالدى.
تۇرعىندار الەۋمەتتىك جەلىلەردە ۆيدەو جاريالاپ، ليفت قىزمەتىن كورسەتەتىن كومپانياعا نارازىلىق ءبىلدىردى. قازىر اپاتتىڭ بارلىق سەبەپتەرى مەن جاعدايلارى انىقتالۋدا.
